प्रणाली कोद्रे
टी२० वर्ल्ड कप यंदा जून २०२४ मध्ये अमेरिका आणि वेस्ट इंडिज येथे खेळवण्यात येत आहे. भारताचे पहिल्या फेरीतील सामने अमेरिकेत आहेत.
यादरम्यान,या वर्ल्ड कपमध्ये प्रेझेंटेटर म्हणून संजना गणेशनही काम करत असल्याने ती देखील न्युयॉर्कमध्ये आहे. संजना भारताचा प्रमुख वेगवान गोलंदाज जसप्रीत बुमराहची पत्नी आहे.
त्यामुळे या दोघांनी त्यांच्या रिकाम्या वेळात अमेरिकेची प्रसिद्ध सिरिज फ्रेंड्सच्या न्युयॉर्कमधील सेटला भेट दिली आहे.
या सेटला भेट दिल्याचे फोटो त्यांनी शेअर केले आहेत.
त्यांच्या पोस्टमध्ये दिसते की फ्रेंड या सिरिजमधील अनेक प्रसिद्ध गोष्टींबरोबर म्हणजेच सेंट्रल पर्क कॉफी हाऊस, मोनिकाचं अपार्टमेंट, आरामखुर्ची, लेवेंडर दरवाजासोबत जसप्रीत आणि संजना यांनी फोटो काढले आहेत.
जसप्रीत आणि संजना यांच्या या फोटोंना चाहत्यांकडून मोठ्याप्रमाणात पसंती मिळत आहे.
दरम्यान, सध्या जसप्रीतला भारतीय संघासह टी२० वर्ल्ड कप खेळायचा असून तो सध्या चांगल्या फॉर्ममध्येही आहे. तसेच संजनाही आयसीसीबरोबर सध्या प्रेझेंटेटर म्हणून अनेक सामने कव्हर करताना दिसत आहे.
गाणं, कोडिंग अन् बरच... मैदानाबाहेरही सौरभ नेत्रावळकर आहे अष्टपैलू