Monika Lonkar –Kumbhar
निरोगी जीवनशैलीसाठी नियमितपणे व्यायाम करणे आणि संतुलित आहार घेणे, हे अतिशय महत्वाचे आहे.
संतुलित आहार आणि व्यायाम या दोन्ही गोष्टींचा योग्य समतोल राखला की, शरीराचे आरोग्य निरोगी राहण्यास मदत होते. निरोगी आरोग्यासाठी योगा अतिशय फायदेशीर आहे.
योगासनांच्या नियमित सरावामुळे आपले शारिरीक आणि मानसिक आरोग्य चांगले राहण्यास मदत होते.
योगासोबतच अनेक जण प्राणायम करण्यावर भर देतात. नियमित कपालभाती प्राणायाम केल्याने शरीरात सकारात्मक ऊर्जा तर वाढतेच, शिवाय आपली पचनक्रिया देखील सुधारते. कपालभाती प्राणायाम करण्याचे फायदे जाणून घेऊयात.
कपालभातीचा दररोज सराव केल्याने ताण-तणावापासून आराम मिळण्यास मदत होते. त्यामुळे, जे लोक हे नैराश्याच्या समस्येने त्रस्त आहेत, त्यांनी नियमितपणे कपालभाती प्राणायम करणे फायद्याचे ठरते.
कपालभाती प्राणायमचा नियमितपणे सराव केल्याने तुमच्या मेंदूच्या पेशी सक्रिय होतात. त्यामुळे, स्मरणशक्ती आणि एकाग्रता सुधारण्यास मदत होते.
कपालभातीचा नियमितपणे सराव केल्याने पित्ताची पातळी नियंत्रित ठेवण्यासाठी मदत होते. त्यासोबतच पचनक्षमता सुधारण्यास मदत होते. त्यामुळे, पोटाच्या समस्या देखील दूर होतात.