रोहित कणसे
T20 विश्वचषक 2024 च्या अंतिम सामन्यात भारतीय संघाने दक्षिण आफ्रिकेचा 7 धावांनी पराभव करत वर्ल्डकप ट्रॉफीवर आपलं नाव कोरलं आहे.
आज आपण जाणून घेणार आहोत की भारतीय क्रिकेट संघाने जिंकलेली ट्रॉफी कशापासून बनलेली असते आणि त्याची किंमत किती असते.
टी-20 विश्वचषक 2024 ची ट्रॉफी ही 50 षटकांच्या वनडे विश्वचषकापेक्षा खूपच वेगळी असते.
एकदिवसीय विश्वचषकात सोन्याच्या ट्रॉफीचा वापर केला जातो, तर टी-20 विश्वचषकात चांदीचा वापर केला जातो.
मीडिया रिपोर्ट्सनुसार, T20 वर्ल्ड कप ट्रॉफीची उंची 51 सेमी आणि रुंदी 14 सेमी असते, तर त्याचे वजन सुमारे 7.5 किलो आहे
T20 विश्वचषक ट्रॉफीची किंमत अधिकृतपणे जाहीर करण्यात आलेली नाही, पण मिळालेल्या माहितीनुसार ती चांदीचे बनलेले आहे.
त्यामुळे साधारणपणे प्रति 7.5 किलो चांदीची किंमत केवळ 7.5 लाख रुपये असून याशिवाय, मेकिंग चार्जेस आणि फिनिशिंग टच चार्जेससह, मीडिया रिपोर्ट्सनुसार, त्याची किंमत सुमारे 15 लाख रुपये असू शकते.
सर्व विश्वचषक ट्रॉफीमध्ये काही बदल देखील केले जाऊ शकतात. पण या ट्रॉफी दिसायला सारख्याच असतात.
महत्वाची बाब म्हणजे भारतीय संघाने किंवा इतरही कोणत्याही संघाने जिंकलेली ओरिजनल ट्रॉफी आयसीसी स्वतःकडे ठेवून घेते, तर विजेत्या संघाला त्या ट्रॉफीची रिप्लीका दिली जाते.
जेवल्यावर ढेकर का येते? बचावासाठी करा हे उपाय