सकाळ डिजिटल टीम
केळी आणि दूध एकत्र खाणे आरोग्यासाठी योग्य आहे का? केळी आणि दूध एकत्र खाल्यास आरोग्यावर कोणते परीणाम होतात जाणून घ्या.
केळी आणि दूध दोन्हीमध्ये कार्बोहायड्रेट्स आणि प्रथिने भरपूर प्रमाणात असतात. त्यामुळे व्यायाम करण्यापूर्वी किंवा नंतर हे खाल्ल्यास शरीराला झटपट ऊर्जा मिळते.
ज्यांना वजन वाढवायचे आहे त्यांच्यासाठी हे एक चांगला पर्याय आहे. दोन्हीमध्ये कॅलरीज आणि पोषक घटक जास्त असल्याने वजन वाढण्यास मदत होते.
दुधातील प्रथिने आणि केळीमधील पोटॅशियम स्नायूंच्या पुनर्बांधणीसाठी आणि त्यांना मजबूत बनवण्यासाठी उपयुक्त मानले जाते.
केळीमध्ये असलेले फायबर पचनसंस्थेला मदत करतात आणि बद्धकोष्ठतेसारख्या समस्या कमी करण्यास मदत करतात.
आयुर्वेदानुसार, दूध आणि केळी हे दोन्ही पचायला जड मानले जातात आणि त्यांची प्रकृती (तासीर) वेगवेगळी असते. त्यामुळे एकत्र खाल्ल्यास पचनक्रिया मंदावू शकते.
काही व्यक्तींना या कॉम्बिनेशनमुळे त्वचेवर पुरळ उठणे किंवा इतर ॲलर्जीचे लक्षण दिसू शकतात.
हे मिश्रण कोणत्याही वेळी खाण्याऐवजी, व्यायाम केल्यानंतर किंवा सकाळी नाश्त्यात घेणे अधिक चांगले मानले जाते. रात्री किंवा जेवणानंतर लगेच खाणे टाळावे.
जर तुमची पचनशक्ती चांगली असेल आणि तुम्हाला कोणताही त्रास होत नसेल, तर तुम्ही केळी आणि दूध एकत्र खाऊ शकता. अन्यथा, हे दोन्ही पदार्थ वेगवेगळ्या वेळी खाणे जास्त फायदेशीर ठरू शकते.