Pranali Kodre
कसोटी क्रिकेट म्हटलं की सर्वांना फार मोठे शॉट्स नसलेली, जोखीम न घेता केलेली संयमी फलंदाजी असं पटकन डोक्यात येतं. असे असले तरी कसोटीमध्येही अनेकांना मोठे शॉट्स खेळले आहेत.
कसोटीत सर्वाधिक चौकार मारणाऱ्या पहिल्या पाच फलंदाजांमध्ये तर पहिल्या दोन क्रमांकावरच भारतीय नावं आहेत.
कसोटीत ११ जानेवारी २०२५ पर्यंत सर्वाधिक चौकार मारणाऱ्या पहिल्या ५ फलंदाजांबद्दल जाणून घेऊ.
श्रीलंकेचा दिग्गज कुमार संगकाराने १३२ कसोटी सामन्यांमध्ये १४९१ चौकार मारले असून तो या यादीत पाचव्या क्रमांकावर आहे.
ऑस्ट्रेलियाचा माजी कर्णधार रिकी पाँटिंग या यादीत चौथ्या क्रमांकावर आहे. त्याने १६८ कसोटी सामन्यांमध्ये १५०९ चौकार मारले आहेत.
या यादीत तिसऱ्या क्रमांकावर वेस्ट इंडिजचा दिग्गज ब्रायन लारा आहे. त्याने १३१ कसोटी सामन्यांमध्ये १५५९ चौकार मारले आहेत.
भारताचा 'द वॉल' राहुल द्रविड या यादीत दुसऱ्या क्रमांकावर आहे. त्याने १६४ कसोटी सामन्यांमध्ये १६५४ चौकार मारले आहेत.
या यादीत अव्वल क्रमांकावर भारताचा मास्टर-ब्लास्टर सचिन तेंडुलकर आहे. त्याने २०० कसोटी सामन्यांमध्ये २०५८ चौकार मारले आहेत.
सचिन कसोटीत २००० हून अधिक चौकार मारणारा सध्यातरी एकमेव खेळाडू आहे.