कार्तिक पुजारी
वडापाव भारतातील लोकप्रिय स्ट्रिट फूड आहेच, पण त्याची आता जागतिक पातळीवर देखील दखल घेण्यात आली आहे.
जगातील सर्वाधिक भारी ५० सँडविचेसच्या यादीमध्ये आपल्या मुंबईच्या वडापावने १९ वे स्थान मिळवले आहे.
प्रसिद्ध फूड अँड ट्रव्हल गाईड TasteAtlas ने सर्वात प्रसिद्ध सँडविचेसची यादी जाहीर केलीये.
बेसनाच्या पीठात बटाट्याची भाजी टाकून तयार केलेला वडा पावमध्ये टाकून दिला जातो. त्यासोबत चटणी, सॉस आणि मिरची-कांदा दिल्यास वडापावच्या चवीला तोडच नाही.
राज्यातील विशेषत: मुंबईतील लोकांसाठी वडापाव हा आवडीचा पदार्थ आहे.
TasteAtlas च्या दाव्यानुसार, वडापावची सुरुवात अशोक वैद्य यांनी केली होती.
ते १९६० आणि १९७० च्या दशकात मुंबईतील रेल्वे स्टेशनवर वडापाव विकत होते.