Sudesh
mXMoto या इलेक्ट्रिक वाहन निर्मिती करणाऱ्या कंपनीने भारतात आपली नवी बाईक लाँच केली आहे.
M16 असं या लाँग रेंज क्रूजर इलेक्ट्रिक बाईकचं नाव आहे. ही खास भारतीय रस्त्यांसाठी बनवण्यात आली आहे.
या बाईकच्या बॅटरीवर कंपनी तब्बल 8 वर्षांची वॉरंटी देत आहे. याव्यतिरिक्त मोटरवर 80,000 किलोमीटर आणि कंट्रोलरवर 3 वर्षांची वॉरंटी मिळत आहे.
भारतीय रस्त्यांवर मजबूतीने धावण्यासाठी या गाडीला पूर्णपणे मेटल बॉडी देण्यात आली आहे.
ही बाईक सिंगल चार्जमध्ये 160 ते 220 किलोमीटर धावू शकते, असा दावा कंपननीने केला आहे. तीन तासांमध्ये ही बाईक 90 टक्के चार्ज होऊ शकते.
या बाईकमध्ये LED लाईट्स, ट्रिपल डिस्क ब्रेक, रिव्हर्स असिस्ट, पार्किंग असिस्ट, ऑन बोर्ड नेव्हिगेशन, ब्लूटूथ कनेक्टिव्हिटी आणि साऊंड सिस्टीम असे फीचर्स मिळतात.
या बाईकची किंमत 1.98,000 रुपये (एक्स शोरूम) एवढी निश्चित करण्यात आली आहे. याची बुकिंग सुरू झाली असल्याचंही कंपनीने स्पष्ट केलं.