Sudesh
गुरू ग्रहाच्या अनेक चंद्रांपैकी युरोपा या चंद्रावर मोठ्या प्रमाणात पाणी असल्याची शक्यता आहे.
या चंद्रावर जाण्यासाठी अमेरिकेची अंतराळ संशोधन संस्था नासा एक मोहीम राबवणार आहे. युरोपा क्लिपर असं या मोहिमेचं नाव आहे.
या यानासोबत एक सांकेतिक शब्दाचं रेकॉर्डिंग पाठवण्यात येणार आहे. ऑक्टोबर महिन्यात ही मोहीम लाँच होईल.
'पाणी' हा शब्द युरोपा चंद्रावर पाठवण्यात येणार आहे. जगातील 103 भाषांमध्ये या शब्दाचं रेकॉर्डिंग करण्यात आलं आहे.
यात हिंदीचाही समावेश आहे. हे शब्द ‘टँटलम’ या धातूपासून बनविलेल्या ७ बाय ११ इंचाच्या पट्टीवर रेखांकीत केले आहेत.
‘युरोपा क्लिपर’ यानातून ध्वनितरंग पट्टीबरोबरच अमेरिकेचे प्रख्यात कवी ॲडा लिम यांची ‘इन प्रेज ऑफ मिस्ट्ररी : ए पोएम फॉर युरोपा’ या कवितेचे हस्तलिखितही पाठविण्यात येणार आहे.
त्याचबरोबर जगभरातील २६ लाख लोकांच्यी नावांची नोंद असलेली सिलिकॉन मायक्रोचिपही पाठविण्यात येणार आहे.
सर्व प्रकारच्या जीवनासाठी आवश्यक असलेल्या पाण्याद्वारे पृथ्वी आणि या रहस्यमय महासागराशी संबंध जोडण्यासाठी हा संदेश महत्त्वपूर्ण आहे.