प्रणाली कोद्रे
पाकिस्तानची माजी क्रिकेटपटू जवेरिया खान हिने आंतरराष्ट्रीय क्रिकेटमधून निवृत्तीची घोषणा केली आहे.
35 वर्षीय जवेरियाने 15 वर्षे पाकिस्तानसाठी क्रिकेट खेळले आहे.
ती बिस्माह मारुफ व्यतिरिक्त केवळ दुसरीच पाकिस्तानी महिला क्रिकेटर आहे, जिने वनडे आणि टी२० या दोन्ही प्रकारात आंतरराष्ट्रीय स्तरावर 2000 पेक्षा जास्त धावा केल्या आहेत.
जवेरियाने 2008 मध्ये आंतरराष्ट्रीय पदार्पण केले होते. तिने 2009, 2013, 2017 आणि 2022 मध्ये महिला वनडे वर्ल्डकप आणि 2009, 2010, 2012, 2014, 2016, 2018, 2020 आणि 2023 साली टी20 वर्ल्डकप खेळले आहेत.
जवेरियाने 17 वनडे आणि 16 टी20 सामन्यांत पाकिस्तान महिला क्रिकेट संघाचे नेतृत्वही केले. ती 2018 आणि 2020 टी20 वर्ल्डकपमध्येही कर्णधार होती.
तिने 116 वनडे आणि 112 आंतरराष्ट्रीय टी20 सामने असे मिळून एकूण 228 सामने खेळले असून 4903 धावा केल्या आहेत. यामध्ये 2 शतके आणि 25 अर्धशतकांचा समावेश आहे.
तिने आंतराष्ट्रीय कारकिर्दीत 28 विकेट्सही घेतल्या आहेत.