Monika Shinde
सकाळी उठल्यापासून ते रात्री झोपेपर्यंत आपण प्लास्टिकच्या वस्तूंचा किती वापर करतो, याचा आपण कधी विचार केला आहे का? म्हणूनच, जर आपल्याला प्लास्टिक प्रदूषणमुक्त जीवन जगायचे असेल, तर या सोप्या टिप्स फॉलो करा
बाजारात किंवा इतर ठिकाणी फिरायला जाताना प्लास्टिक पिशवी न वापरता, त्याऐवजी नेहमी कापडी, ज्यूट किंवा कॅनव्हासच्या बॅगेचा वापर करा.
अनेक जण शाळा, ऑफिस किंवा प्रवासात प्लास्टिकच्या बाटल्यांचा वापर करतात. मात्र, या बाटल्या शरीरासाठी हानिकारक ठरू शकतात. त्यामुळे पाणी पिण्यासाठी स्टील किंवा तांब्याच्या बाटल्यांचा वापर करा.
स्वयंपाकघरातील सामान जसे की लोणचं, पीठ, धान्य इत्यादी वस्तू ठेवण्यासाठी प्लास्टिकच्या डब्यांचा वापर टाळा. त्याऐवजी काचेचे किंवा स्टीलचे डबे वापरा
प्लास्टिकचे स्ट्रॉ आणि डिस्पोजेबल भांडी पर्यावरणाला मोठा धोका पोहोचवतात. याऐवजी स्टील, बायोडिग्रेडेबल किंवा पुन्हा वापरता येणाऱ्या पर्यायांचा वापर करा.
भाजीपाला, फळं किंवा अन्न साठवण्यासाठी प्लास्टिक क्लिंग फिल्म वापरण्याऐवजी, मधाच्या कोवळ्या पट्ट्यांनी (Beeswax wraps) किंवा सुती कपड्याने झाकणं हा चांगला पर्याय आहे.
कचरा टाकताना प्लास्टिक, कागद, ओला कचरा यांचे योग्य वर्गीकरण करा. रीसायकल करता येणाऱ्या वस्तू स्थानिक प्राधिकरणाच्या सूचनांनुसार वापरा.
काही वेळा आपण सहजतेने प्लास्टिक वस्तू विकत घेतो, जसे की पेन, टॉयज, डेकोरेशन इ. अशावेळी त्या वस्तूंचा टिकाऊ, पर्यावरणपूरक पर्याय असेल का, याचा विचार करूनच खरेदी करा.