प्रणाली कोद्रे
आयपीएल 2024 स्पर्धेतील 64 व्या सामन्यात दिल्ली कॅपिटल्सने लखनौ सुपर जायंट्सविरुद्ध 19 धावांनी विजय मिळवला.
दिल्लीच्या या विजयाने राजस्थान रॉयल्सचा मोठा फायदा झाला आहे.
दिल्लीने लखनौला पराभूत केल्याने राजस्थान रॉयल्ससाठी आयपीएल 2024 प्लेऑफचे दरवाजे उघडले आहेत.
राजस्थान प्लेऑफमध्ये स्थान पक्के करणारा कोलकाता नाईट रायडर्सनंतरचा दुसरा संघ ठरला आहे.
राजस्थान रॉयल्सने 14 मे पर्यंत 12 सामन्यांपैकी 8 सामने जिंकून 16 पाँइंट्स मिळवले आहेत. त्यांना 4 सामन्यात पराभव स्विकारावा लागला आहे.
दरम्यान, आता आयपीएल 2024 मध्ये 16 पाँइंट्सपर्यंत पोहण्याची संधी फक्त चेन्नई सुपर किंग्स आणि सनरायझर्स हैदराबाद या दोनच संघांना आहे. त्यामुळेच राजस्थानचे प्लेऑफमधील स्थान पक्के झाले आहे.
पण आता प्लेऑफसाठी उरलेल्या 2 जागांसाठी सनरायझर्स हैदराबाद, चेन्नई सुपर किंग्स, रॉयल चॅलेंजर्स बेंगळुरू, दिल्ली कॅपिटल्स आणि लखनौ सुपर जायंट्स या पाच संघात चूरस आहे.