Pranali Kodre
भारताचा दिग्गज क्रिकेटपटू आणि कर्णधार म्हणून ओळख असलेला महेंद्रसिंह धोनी हा 7 जुलै रोजी 43 वर्षांचा झाला.
धोनीला त्याच्या वाढदिवसानिमित्त विविध क्षेत्रातील लोकांनी शुभेच्छा दिल्या आहेत. यात अनेक क्रिकेटपटूंचाही समावेश आहे.
धोनीचा माजी संघसहकारी आणि मित्र असलेल्या रविंद्र जडेजानेही हटके स्टाईलमध्ये त्याला वाढदिवसाच्या शुभेच्छा दिल्या आहेत.
जडेजाने आयपीएल २०२३ स्पर्धा जिंकल्यानंतर त्याला धोनीने उचलतानाचा फोटो पोस्ट केला आहे.
या पोस्टच्या कॅप्शनमध्ये लिहिलं की 'क्रिकेटमधील माझ्या एकमेव आवडत्या व्यक्तीला वाढदिवसाच्या शुभेच्छा. तुझी उपस्थिती हे सर्वोत्तम भेट आहे. खूप प्रेम.'
जडेजानं कॅप्शनमध्ये 'बिग ब्रदर' (मोठा भाऊ) असा हॅशटॅगही टाकला आहे.
जडेजाच्या या पोस्टला मोठ्या प्रमाणात चाहत्यांचा प्रतिसाद मिळाला आहे. १३ लाखांहून अधिक लाईक्स या पोस्टला आल्या आहेत.