Monika Lonkar –Kumbhar
स्वयंपाकघरात हमखास वापरली जाणारी हळद आपल्या सर्वांनाच माहित आहे. हळदीमुळे विविध खाद्यपदार्थांना चव मिळते.
औषधी गुणधर्मांनी परिपूर्ण हळद ही फक्त आपल्या खाद्यपदार्थांची चव वाढवत नाही तर आरोग्यासााठी देखील हळद फायदेशीर आहे.
कच्च्या हळदीमुळे अनेक आजारांवर नियंत्रित मिळवले जाऊ शकते. हळदीचे इतर अनेक फायदे आहेत.
कच्च्या हळदीमध्ये अँटीऑक्सिडंट्स भरपूर प्रमाण आढळून येते. त्यामुळे, अनेक आजारांचा धोका कमी होतो. रिकाम्या पोटी हळदीचे पाणी प्यायल्याने आरोग्याला अनेक फायदे होतात.
कच्च्या हळदीमध्ये औषधी गुणधर्मांचे भरपूर प्रमाण आढळून येते. ज्यांना हृदयरोगाच्या समस्या आहेत, अशा लोकांनी खाद्यपदार्थांमध्ये हळदीचा जरूर वापर करावा. त्यामुळे, हृदयाचे आरोग्य निरोगी राहण्यास मदत होते.
कच्ची हळद ही अँटी-बॅक्टेरिअल आणि अँटी-फंगल गुणधर्मांनी समृद्ध आहे. त्यामुळे, हळदीचा वापर केल्याने शरीराची रोगप्रतिकारक शक्ती मजबूत होते.
कच्च्या हळदीच्या वापरामुळे पोटाच्या समस्या दूर होण्यास मदत होते, आणि पचनक्षमता सुधारते.