आशुतोष मसगौंडे
शर्लीने अगदी लहान वयातच सोशल मीडियावर तरुणांच्या मनावर राज्य निर्माण केले आहे. शर्ली सेतियाचा जन्म 2 जुलै 1995 रोजी भारतातील दमण येथे झाला.
जन्मानंतर शर्ली तिच्या पालकांसह न्यूझीलंडला गेली. त्यानंतर शर्लीने तिथंच शिक्षण पूर्ण केलं. शर्लीने न्यूझीलंडच्या ऑकलंड विद्यापीठातून पदवी प्राप्त केली आहे.
इंडो-किवी गायिका शर्लीने हिंदीत गायलेली गाणी यूट्यूबवर चांगलीच हिट झाली आहेत. 'सनम रे' हे गाणे त्यापैकीच एक.
यूट्यूब सेन्सेशन शर्ली सेटियाने आपल्या क्यूटनेसने सर्वांची मने जिंकली आहेत. शर्ली अभिनयासोबतच खूप चांगली गायिकाही आहे.
ओटीटी प्लॅटफॉर्म नेटफ्लिक्सच्या 'मस्का' या चित्रपटातून शर्लीने चित्रपटांमध्ये तिच्या करिअरची सुरुवात केली. ती शिल्पा शेट्टी आणि अभिमन्यू दासानीसोबत 'निकम्मा' चित्रपटातही आहे.
शर्लीने टी-सीरीजने आयोजित केलेल्या स्पर्धेत भाग घेतला आणि तिच्या बेडरूममधून पायजामा घातलेल्याचा व्हिडिओ रेकॉर्ड केला. ती या स्पर्धेची विजेती होती आणि तिला न्यूझीलंड हेराल्डने 'पाजामा पॉपस्टार' असे टोपणनाव दिले.
शर्लीने वयाच्या १६ व्या वर्षी युट्यूबवर पहिले गाणे अपलोड केले होते. यानंतर हळूहळू तिने यूट्यूबवर आणखी गाणी अपलोड करायला सुरुवात केली.
'आशिकी 2' मधील 'तुम ही हो' हे गाणे त्यावेळी खूप प्रसिद्ध झाले होते आणि शर्लीने तेच गाणे स्वतःच्या शैलीत गायले आणि रातोरात नॅशनल क्रश बनली.