सकाळ डिजिटल टीम
तुंबाडच्या यशानंतर सोहम शाह एक वेगळ्या धाटणीच्या चित्रपटासह पुन्हा प्रेक्षकासमोर येत आहेत. क्रेझी या चित्रपटाचा ट्रेलर नुकताच प्रदर्शित झाला आहे.
ट्रेलरमध्ये थरार, हास्य आणि कौटुंबिक नाट्य यांचा अनोखा संगम पाहायला मिळतो.सिनेमाबद्दल आधीपासूनच उत्सुकता होती आणि ट्रेलरमुळे त्याची चर्चा वाढली आहे.
कथा एका वडिलांच्या संघर्षावर आधारित आहे.अभिमन्यू (सोहम शाह) हा यशस्वी सर्जन असतो, पण त्याच्या मुलीच्या अपहरणामुळे त्याचे जीवन वेगळे वळण घेतं.
अपहरणकर्ते पाच कोटींची मागणी करतात आणि अभिमन्यू एक अकल्पित प्रवास सुरू करतो.चित्रपटात त्याचं मुलींसाठी किती दूर जाण्याची तयारी आणि स्वतःला शोधण्याचा प्रवास दाखवला आहे.
दिग्दर्शन आणि निर्माते
चित्रपटाचे दिग्दर्शन गिरीश कोहली यांनी केले आहे.निर्मिती मुकेश शाह आणि अमिता शाह यांनी केली आहे.
‘क्रेझी’ २८ फेब्रुवारीला प्रदर्शित होणार आहे.
शूटिंग दरम्यान सेटवर नकली नोटांची चोरी झाली होती, पण ती काही तासांतच परत मिळाली.ही घटना सोशल मीडियावर चांगलीच चर्चेत आली होती.