Sudesh
सध्या आयटी क्षेत्रातील कर्मचाऱ्यांना मोठ्या प्रमाणात तणावाला सामोरं जावं लागत आहे. ही परिस्थिती पुढे आणखी बिकट होण्याची शक्यता आहे.
या ताणामुळे कित्येक व्यक्तींना भरपूर त्रास सहन करावा लागत आहे. कित्येक आयटी कपल्सचे संसार यामुळे तुटत आहेत.
या तणावाला सामोरं जाण्यासाठी आपल्याला मेंदूचं रिप्रोग्रॅमिंग करायला हवं, असं मत मानसोपचारतज्ज्ञ डॉ. विद्याधर बापट यांनी व्यक्त केलं.
तज्ज्ञ सांगतात, की आपण आपला ताण ओळखायला हवा. कोणत्या गोष्टीची काळजी वा भीती वाटते, कशामुळे राग येतो अशा गोष्टींची नोंद ठेवा.
ऑफिसचे आयुष्य आणि वैयक्तिक आयुष्य वेगवेगळं ठेवण्यासाठीचं तंत्र जाणून घ्या. स्विच ऑन-स्विच ऑफ तंत्र शिकण्यासाठी तज्ज्ञांची मदत घ्या.
आपल्या आयुष्यातील इतर व्यक्तींसोबतची नाती जपा. विशेषतः जोडीदाराला ठरवून वेळ द्या. त्याच्या वा तिच्या मनस्थितीचा विचार करा.
मानसिक आरोग्यासाठी देखील व्यायाम महत्त्वाचा आहे. कार्डिओ, पोहणं, धावणं अशा प्रकारचे व्यायाम नैसर्गिक अँटी डिप्रेसंट म्हणून काम करतात.
संगीत ऐकणं, पेंटिंग करणं, फोटोग्राफी करणं किंवा फिरायला जाणं.. तुम्हाला जे काही आवडत असेल त्यासाठी वेळ काढा.