Monika Lonkar –Kumbhar
सध्या एप्रिल महिन्यातच उन्हाचा पारा प्रचंड वाढला आहे. या उन्हापासून बचाव करण्यासाठी आरोग्यासोबतच त्वचेची देखील काळजी घेणे गरजेचे आहे.
उन्हाच्या तीव्र झळांमुळे त्वचेवर रॅशेस येणे, त्वचा लाल पडणे आणि त्वचा टॅन होणे इत्यादी अनेक समस्या निर्माण होतात.
त्वचेच्या समस्या दूर करण्यासाठी आम्ही तुम्हाला कुलिंग फेसपॅक्सबद्दल सांगणार आहोत. या फेसपॅकच्या मदतीने तुम्ही उन्हाळ्यात त्वचेची नीट काळजी घेऊ शकाल.
पुदिना आरोग्यासोबतच त्वचेसाठी फायदेशीर आहे. पुदिना-दह्याचा फेसपॅक बनवण्यासाठी सर्वात आधी पुदिन्याच्या पानांची बारीक पेस्ट करा.
आता पुदिन्याची पेस्ट अर्धी वाटी दह्यामध्ये मिक्स करा आणि चेहऱ्याला लावा. १५-२० मिनिटानंतर चेहरा स्वच्छ धुवा.
त्वचेसाठी चंदन आणि गुलाबजल फायदेशीर आहे. हा फेसपॅक बनवण्यासाठी २ चमचे चंदन पावडर घ्या.
या चंदन पावडरमध्ये २ चमचे गुलाबजल मिसळा आणि अर्धा चमचा मध मिसळा. हा फेसपॅक चेहऱ्याला लावा १५-२० मिनिटांनंतर चेहरा स्वच्छ धुवा.