प्रणाली कोद्रे
भारतीय फुटबॉल संघाचा दिग्गज खेळाडू आणि कर्णधार सुनील छेत्रीने मे महिन्यात निवृत्तीची घोषणा केली होती.
सुनील छेत्रीने सांगितले होते की 6 जून रोजी कुवेतविरुद्ध होणाऱ्या फिफा वर्ल्ड कप पात्रता फेरीतील सामना त्याचा अखेरचा आंतरराष्ट्रीय सामना असणार आहे.
त्यामुळे आता कोलकातामधील सॉल्ट लेक स्टेडियवर होणाऱ्या कुवेत विरुद्धचा सामना सुनीलसाठीच नाही, तर भारतीय क्रीडा क्षेत्रासाठीही भावनिक ठरणार आहे.
दरम्यान, सुनील छेत्रीने हा सामना खेळण्याच्या एक दिवस आधी एक भावूक पोस्ट केली आहे.
त्याने स्टेडियमकडे पाहात असतानाचा त्याचा पाठमोरा उभा असलेला फोटो पोस्ट केला आहे.
या पोस्टच्या कॅप्शनमध्ये त्याने निरोपाची वेळ झाली, अशा अर्थाने Alright, then असे लिहिले आहे.
त्याच्या या पोस्टवर अनेक कमेंट्स आल्या आहेत, तसेच लाखो लाईक्स आल्या आहेत.
2005 साली आंतरराष्ट्रीय फुटबॉलमध्ये पदार्पण केलेला सुनील छेत्री 19 वर्षांनंतर त्याचा हा प्रवास संपणार आहे.
त्याने 150 आंतरराष्ट्रीय सामने खेळले, ज्यात त्याने 94 गोल केले आहेत. तो 87 सामने कर्णधार म्हणून खेळलाय.