Monika Lonkar –Kumbhar
टोमॅटोमुळे खाद्यपदार्थांना छान चव येते. टोमॅटो नसेल तर आपले स्वयंपाकघर देखील अधुरे वाटते. एवढा आपल्या आयुष्यात टोमॅटो महत्वाचा झाला आहे.
टोमॅटोमध्ये पोषणतत्वांचे प्रमाण मोठ्या प्रमाणात आढळून येते. त्यामुळे, आरोग्यासोबतच त्वचेसाठी आणि केसांसाठी देखील टोमॅटो फायदेशीर आहे.
टोमॅटोचा वापर करून बनवलेले स्क्रब आणि फेसपॅक आपल्या त्वचेसाठी अतिशय लाभदायी आहे. त्वचेतील टॅनिंग, मृत त्वचा काढून टाकण्याचे काम टोमॅटो करतो,आज आपण टोमॅटोपासून बनवल्या जाणाऱ्या फेस स्क्रब्सबद्दल जाणून घेणार आहोत.
कोरफड आपल्या त्वचेसाठी आणि केसांसाठी अतिशय फायदेशीर आहे. या फेस स्क्रबसाठी २ चमचे टोमॅटोचा रस घ्या. त्यामध्ये कोरफड जेल एकत्र करा, आता तुमचे फेस स्क्रब तयार आहे.
या स्क्रबने चेहऱ्यावर १० मिनिटे मसाज करा. त्यानंतर १५ मिनिटांसाठी चेहरा तसाच ठेवा, नंतर थंड पाण्याने चेहरा धुवा.
मधामुळे आपल्या त्वचेला छान ग्लो येतो. हे फेस स्क्रब बनवण्यासाठी एक पिकलेले टोमॅटो घ्या. आता त्यामध्ये ३ चमचे दही, १ चमचा मध आणि २ चमचे कोको पावडर घ्या.
आता हे सर्व मिश्रण एकत्र करा, तुमचे स्क्रब तयार आहे. या स्क्रबने चेहऱ्यावर १५ मिनिटे मसाज करा, नंतर चेहरा धुवून टाका.
टोमॅटो आणि मधाच्या फेसस्क्रबचा उपाय जर तुम्ही आठवड्यातून किमान २ वेळा जरी केला तर तुमच्या चेहऱ्यावर छान चमक येण्यास मदत होईल.