सकाळ डिजिटल टीम
फ्रेंच निसर्गवादी लुईस अँटोनी बेलन (Louis Antoine Baillon) यांच्या नावाने ओळखला जाणारा हा अनोखा पक्षी. ‘बेलनची फटाकडी’ (Baillon''s Crake) असे त्याचे नाव.
आकाराने १५ ते २० सेंटिमीटर तर वजनाने फक्त ४० ग्रॅम असणारा हा पक्षी. मुळतः युरोपमध्ये आढळतो, तर भारत व पूर्व आफ्रिकेत हिवाळ्यासाठी येतो.
त्याच्या प्रचंड वेगामुळे व चपळतेमुळे या प्रजातीला ‘फटाकडी’ (Crake) असे नाव पडले आहे.
दलदली अधिवासात राहणार आणि पाणथळ कीटक खाणारा हा पक्षी काही देशांमध्ये विलुप्तीचा मार्गावर असल्याचा मानला जातो. मादी कोरड्या जागेत आपले घरटे करून ४ ते ८ अंडी देते.
नर आणि मादी मिळून पिलांचे संगोपन करतात. हा पक्षी अतीशय गुप्त पध्दतीने जीवन व्यतीत करतो आणि क्वचितच उघड्यावर दिसतो.
सांगली जिल्ह्यात फटाकडीच्या तीन उपप्रजाती आढळतात, बेलनची फटाकडी (Baillon’s Crake), तपकिरी फटाकडी (Brown Crake) आणि लाल मानेची फटाकडी (Ruddy Breasted Crake).
हे तिन्ही पक्षी शामरावनगर आणि पटवर्धन मळा नजीकच्या ओढ्याजवळ पाहायला मिळू शकतात, अशी माहिती मिरज येथील पक्षिमित्र तेजस भिडे यांनी दिली आहे.