प्रणाली कोद्रे
भारताचा मास्टर-ब्लास्टर सचिन तेंडुलकरने जगभरातील अनेक मैदानांवर मोठ्या खेळी करत वर्चस्व गाजवलं आहे.
पण त्याचं कोलकाताशी एक वेगळं आणि खास नातंही राहिलंय.
सचिन कोलकातामधील प्रसिद्ध ईस्ट बंगाल क्बलसाठी 1994 साली क्रिकेट खेळला होता. त्याने पी सेन ट्रॉफी स्पर्धेत या संघाचे नेतृत्वही केले होते.
सचिनसह त्यावेळी ईस्ट बंगालकडून कपिल देव देखील खेळले होते.
या स्पर्धेत सचिनने ईस्ट बंगालकडून उपांत्य सामन्यात शतकी खेळी केली होती.
खरंतर कोलकातामधील ईस्ट बंगाल आणि मोहन बगान या कोलकातामधील क्लबमधील फुटबॉल सामना नेहमीच चर्चेत असतो.
परंतु, या दोन क्लबमध्ये 1994 साली झालेला क्रिकेटचा सामनाही त्यावेळी बराच गाजला होता आणि सामन्याला चाहत्यांचा मोठा प्रतिसादही मिळाला होता.