Monika Lonkar –Kumbhar
सध्या सर्वत्र 'व्हॅलेंटाईन्स डे' ची धामधूम पहायला मिळत आहे. व्हॅलेंटाईन्स डे निमित्त अनेक कपल्स विविध प्रकारचे प्लॅन्स बनवतात.
हा दिवस स्पेशल प्रकारे साजरा करण्यासाठी कपल्स उत्सुक असतात. काही कपल्स फिरायला जातात तर काही कपल्स एकमेकांना गिफ्ट्स देतात.
काही कपल्स कॅंडल लाईट डिनरचे ही प्लॅनिंग करतात आणि सोबत निवांत वेळ घालवतात. जर तुम्हाला यंदाच्या व्हॅलेंटाईन्स डे ला फिरायला जायचे असेल तर, त्यासाठीची खास ठिकाणे आम्ही तुम्हाला सांगणार आहोत.
मेघालय या राज्याची राजधानी असलेले शहर शिलाँग हे तिथल्या अनोख्या निसर्गसौंदर्यासाठी आणि खाद्यसंस्कृतीसाठी खास करून ओळखले जाते. या शहरातील पर्यटनस्थळांना अनेक देशी-विदेशी पर्यटक दरवर्षी भेट देतात.
उंच डोंगरावर वसलेले हे शहर अनेक पर्यटकांना भुरळ घालते. या ठिकाणी भेट देण्यासाठी फेब्रुवारी हा उत्तम काळ आहे. शिलाँगमध्ये अनेक पर्यटनस्थळे आहेत, जिथे तुम्ही भेट देऊन जोडीदारासोबत उत्तम वेळ घालवू शकता.
आंध्र प्रदेश या राज्यातील हे एक उत्तम ठिकाण आहे. तुम्ही पार्टनरसोबत या ठिकाणी जाऊन तुमचा ‘व्हॅलेंटाईन डे’ चांगल्या प्रकारे साजरा करू शकता. होशर्ली हिल्स हे ठिकाण समुद्रपाटीपासून १२६५ मीटर उंचीवर आहे. याशिवाय, तुम्हाला येथे जोडीदारासोबत ट्रेकिंगचा ही आनंद घेता येईल.
उत्तराखंड या राज्याचे नाव घेतल्यावर तिथली अनेक पर्यटनस्थळे आपल्याला आठवतात. या पर्यटन स्थळांपैकी ऋषिकेशचे नाव हे सर्वात आघाडीवर आहे. जर तुमच्या जोडीदाराला राफ्टिंग आणि ट्रेकिंगची आवड असेल, तर तुम्ही या ठिकाणी जाण्याचा नक्कीच विचार करू शकता.