पुजा बोनकिले
महाराष्ट्रात मका भाजून, वाफवून किंवा लाह्यांच्या स्वरूपात खाल्ला जातो.
मक्‍याला त्याचा पिवळा रंग हा ल्युटिन या घटकामुळे प्राप्त झाला आहे.
हे एक ऍण्टिऑक्‍सिडन्ट असून त्यामुळे दृष्टिपटल निरोगी राहते; असे संशोधनातून सिद्‌ध झाले आहे.
मक्‍यामध्ये सिस्टिन व मेथीओनीन ही अमायनो ऍसिड्‌स (amino acids) भरपूर प्रमाणात आहेत. त्यामुळे यकृताचे आरोग्य राखण्यास मदत होते.
मक्‍याच्या कोवळ्या दाण्यांपासून विविध पदार्थ बनवले जातात.
मका हे उत्तम प्रमाणात बेटाकेरोटीन असलेले, तंतुमय असे पौष्टिक धान्य आहे.
मक्‍यातील ल्युटिन हे ऍण्टिऑक्‍सिडन्ट डोळ्यांच्या आरोग्यासाठी चांगले आहे.
भुत्ता, स्टिम्ड कॉर्न व पॉपकॉर्न हे उत्तम वेटलॉस फूड आहे. मक्‍याचा चिवडा मात्र चरबी वाढवणारा आहे.
मधुमेहींनी स्वीटकॉर्न खाणे टाळावा.
उच्च रक्तदाब असणाऱ्यांनी पॉपकॉर्न, मीठ लावलेला भुत्ता व स्टिम्ड बटर कॉर्न खाऊ नयेत.
मका पचण्यास थोडा जड आहे. त्यामुळे वृद्धांनी व नाजूक पचनशक्ती असणाऱ्यांनी जास्त प्रमाणात मका खाऊ नये.