सकाळ ऑनलाईन
राष्ट्रपती भवन म्हणजे भारताच्या राष्ट्रपतींचं कार्यालय अन् अधिकृत निवासस्थान आहे.
खरंतर अत्यंत कडक सुरक्षा व्यवस्था असलेल्या या राष्ट्रपती भवनात काही कार्यक्रमही आयोजित केले जातात.
पण आता चक्क एक लग्न सोहळा या राष्ट्रपती भवनात पार पडणार आहे. पण कोणाचं लग्न इथं होणारेय तुम्हाला माहिती आहे का?
तर पूनम गुप्ता नामकं तरुणीचा लग्न सोहळा राष्ट्रपती भवनात पार पडणार असल्याची सध्या चर्चा सुरु आहे.
पूनम गुप्ता ही राष्ट्रपती द्रौपदी मुर्मू यांची पीएसओ अर्थात पर्सनल सेक्युरिटी ऑफिसर आहे.
पूनमच्या नेतृत्वानं आणि कार्यशैलीनं खुद्द राष्ट्रपती द्रौपदी मूर्मू प्रभावित झाल्या आहेत.
याच पूनम गुप्तानं प्रजासत्ताकदिनी पथसंचलनात सीआरपीएफच्या महिला पथकाचं नेतृत्व केलं होतं.
पूनम गुप्ता जम्मू काश्मीरमध्ये तैनात सीआरपीएफचे डिप्युटी कमांडंट अविनीश कुमार यांच्यासोबत लग्नबंधनात अडकणार आहे.
या दोघांचा राष्ट्रपती भवनात होणारा लग्न सोहळा येत्या १२ फेब्रुवारीला पार पडणार आहे.
पण याबाबत अद्याप राष्ट्रपती भवनाकडून कुठलीही अधिकृत माहिती देण्यात आलेली नाही.