रोहित कणसे
भारतीय रेल्वेमध्ये तुम्ही थर्ड एसी , सेकंड एसी किंवा फर्स्ट एसी चे आरक्षण तिकीट काढले तर रेल्वे त्या प्रवाशांना रात्री झोपण्यासाठी ब्लँकेट, उशा आणि बेडशीटची सुविधा पुरवते .
अनेकदा प्रश्न पडतो की रेल्वेने दिलेली बेडशीट फक्त पांढरीच का असते ?
काहींना ही खूप सामान्य गोष्ट वाटते , पण रेल्वे कोणतेही काम विनाकारण करत नाही. त्यामुळे या पांढऱ्या चादरीमागे एक खास कारण आहे तेच आपण जाणून घेणार आहोत.
भारतीय रेल्वे आपल्या एसी कोचमध्ये प्रवास करणाऱ्या सर्व प्रवाशांना बेडशीट , ब्लँकेट आणि उशी पुरवते, रेल्वेकडून पुरविल्या जाणाऱ्या बेडशीट आणि उशीचा रंग नेहमीच पांढरा असतो.
पण तुम्ही कधी विचार केला आहे का की बेडशीट आणि उशीचा रंग नेहमीच पांढरा का असतो? लाल , पिवळा , हिरवा किंवा निळा का नाही?
जर तुम्हालाही हा निव्वळ योगायोग वाटत असेल तर तु्म्ही चूक आहात . भारतीय रेल्वेने बेडशीटचा रंग पांढरा ठेवण्यामागे एक खास कारण आहे.
भारतीय रेल्वेच्या अनेक गाड्या दररोज धावतात, अशा परिस्थितीत दररोज हजारो चादरी आणि उशांचे कव्हर वापरले जातात.
आता जेव्हा हे वापरले जातात तेव्हा ते धुतले जातात, अशा परिस्थितीत, शीट धुण्यासाठी विशेष मशीन असलेल्या लाँड्री वापरल्या जातात ज्यामध्ये मोछे बॉयलर वापरले जातात.
या लाँड्रीमध्ये 121 डिग्री सेल्सिअस तापमानात वाफ तयार होते आणि नंतर चादरी धुतल्या जातात.
या तापमानात एखादी वस्तू ३० मिनिटे ठेवली तर ती जंतूमुक्त होते त्यामुळे रंगीत चादरी अशा प्रकारे धुतल्या गेल्यास त्यांचा रंग एका धुण्यातच निखळतो. हे लक्षात घेऊन चादरींचा रंग पांढरा ठेवला आहे.
अतिप्रमाणात विड्याचे पान खाण्याचे दुष्परिणाम