सकाळ डिजिटल टीम
श्रीकृष्णांना मोरपिस का प्रिय आहेत? या मागची कारणं काय आहेत जाणून घ्या.
एका कथेनुसार, एकदा श्रीकृष्ण बासरी वाजवत असताना, त्यांच्या संगीताने प्रभावित झालेल्या मोरांनी त्यांना आपले पीस अर्पण केले. हे पीस श्रीकृष्णाने कृतज्ञता म्हणून धारण केले.
मोरपीस हे राधा आणि कृष्णाच्या अतूट प्रेमाचे प्रतीक मानले जाते, कारण राधेला मोर अतिशय प्रिय होते.
मोर हे देवी सरस्वतीचे वाहन आहे. त्यामुळे मोरपीस हे ज्ञान आणि विद्येचे प्रतीक मानले जाते, जे श्रीकृष्ण धारण करतात.
मोर हा ब्रह्मचर्याचे पालन करतो, अशी प्राचीन मान्यता आहे. त्यामुळे मोरपीस पवित्रता, शुद्धता आणि वासनेवर विजयाचे प्रतीक आहे.
मोरपीसाचे आकर्षक रंग श्रीकृष्णाच्या सौंदर्याला आणि त्यांच्या अलौकिक व्यक्तिमत्त्वाला अधिक मोहक बनवतात.
मोरपीस हे निसर्गाशी असलेल्या श्रीकृष्णाच्या जवळच्या नात्याचे प्रतीक आहे. ते जीवनातील विविध रंग आणि भावना दर्शवते.
मोरपीस धारण करून श्रीकृष्ण आपली विनम्रता दर्शवतात. ते स्वतः देव असूनही निसर्गातील एका लहान पक्ष्याचा सन्मान करतात. असे म्हंटले जाते.
हिंदू धर्मात मोरपीस खूप शुभ मानले जाते. त्यामुळे घरात किंवा सोबत मोरपीस ठेवल्याने सौभाग्य लाभते, अशी धारणा आहे.