प्रणाली कोद्रे
आयपीएल 2024 स्पर्धेत 1 एप्रिलला झालेल्या सामन्यात रियान परागने 54 धावांची खेळी करत राजस्थान रॉयल्सला मुंबई इंडियन्सविरुद्ध विजय मिळवून देण्यात मोलाचा वाटा उचलला.
रियान परागने केलेल्या 54 धावांच्या खेळीमुळे आता त्याचे या आयपीएल हंगामात 3 सामन्यांत 181 च्या सरासरीने आणि 160.17 च्या स्ट्राईक रेटने 181 धावा केल्या आहेत.
त्यामुळे रियान परागला 3 सामन्यांनंतर ऑरेंज कॅप मिळाली आहे.
आयपीएलमध्ये हंगामात सर्वाधिक धावा करणाऱ्या खेळाडूला ऑरेंज कॅप देण्यात येते.
दरम्यान विराटच्याही 181 धावाच आहेत, पण तरी रियानला ऑरेंज का मिळाली असा प्रश्न अनेकांना पडला.
विराटने आयपीएल 2024 स्पर्धेत 1 एप्रिलपर्यंत 3 सामन्यांत 90.50 च्या सरासरीने आणि 141.40 च्या स्ट्राईक रेटने 181 धावा केल्या आहेत.
दरम्यान, विराटपेक्षा रियानची सरासरी आणि स्ट्राईक रेट अधिक असल्याने त्याला ऑरेंज कॅप देण्यात आली.