Amit Ujagare (अमित उजागरे)
सध्या महाराष्ट्रात गौतमी पाटीलचं वारं काहीसं ओसरलं असलं तरी तिची क्रेझ अद्याप कमी झालेली नाही.
तिच्या डान्सवर अनेक जण फिदा असतात, आपल्या नृत्यानं ती रसिकांना खूष करुन टाकते.
पण तिच्या या प्रसिद्धीच्या शिखरामागं देखील मोठा संघर्ष आहे.
आपला हा संघर्ष तिनं यापूर्वी माध्यमांना दिलेल्या मुलाखतींमधून सांगितला आहे.
वडिलांची साथ नसल्यामुळं मला आज हे सगळं करावं लागलं, बाकी काही नाही.
दारुच्या व्यसनापोटी वडिलांचं कुटुंबाकडं दुर्लक्ष झालं, त्यामुळं गौतमी आपल्या आईसह वेगळी राहू लागली.
आईच्या अपघातानंतर घराची जबाबदारी तिच्यावर आली, त्यानंतर तिनं रेकॉर्ड डान्सच्या दुनियेत प्रवेश केला.
पण या क्षेत्रात येणं तिच्यासाठी इतकं सोप नव्हतं, कारण ठामपणे या क्षेत्रात काम करत राहणं वाटतं तेवढं सोप नाही, असंही ती सांगते.
विविध कार्यक्रमात जसं जत्रा, वाढदिवस, विविध सार्वजनिक कार्यक्रम यामध्ये गौतमीच्या डान्सला खूप मागणी आहे.