रोहित कणसे
लठ्ठ व्यक्तींना स्वतःचं वजन कमी करणं बऱ्याचदा अशक्य वाटतं, ज्यांना हे शक्य नाही असं वाटतं त्यांनी फेमस यूट्यूबर आणि स्टँडअप कॉमिडीयन तन्मय भट याचा वजन कमी करण्याचा प्रवास नक्की वाचला पाहिजे.
तन्मयने गेल्या काही दिवसात आपलं वजन सुमारे 50 किलोने कमी केलंय, त्याचा हा वजन कमी करण्याचा प्रवास सोशल मीडियावर मोठ्या प्रमाणात व्हायरल होतोय.
नुकतेच एका पॉडकास्टमध्ये तन्मय त्याच्या नियमित दिनचर्येबद्दल सांगताना दिसतोय, तसेच तन्मय त्याच्या इंस्टाग्राम स्टोरीमधून देखील त्याच्या वेट लॉस जर्नीबद्दल चाहत्यांना माहिती देत असतो.
कोणतेही काम यशस्वी होण्यासाठी त्यामध्ये नियमितचा गरजेचे असते त्यामुळं स्वतःसाठी वेळ काढाला पाहिजे. तन्मय रोज 5 ते 7:30 च्या दरम्यान वर्कआउट करतो, या अडीच तासांमध्ये तो फक्त फिटनेसवर फोकस असतो.
तज्ज्ञांच्या मते जर तुम्ही दररोज स्वतःसाठी 20 मिनिटे वेळ काढलात तर तुम्ही तंदुरुस्त राहू शकता, तसंट आठवड्यातून 3-4 वेळा व्यायाम आणि कुठलीही स्पोर्ट अॅक्टिव्हीटी फिट होण्यासाठी फायदेशीर ठरू शकते. .
वजन कमी करण्याबद्दल तज्ज्ञ सांगतात की कोणतीही नवीन जीवनशैली स्थिर होण्यास वेळ लागू शकतो. पण साधारण महिनाभर वर्कआउट रूटीन चुकवू नये यासाठी प्रयत्न करत रहावे. एक महिन्याच्या काळात केलेल्या प्रयत्नानंतर तो तुमच्या दिनचर्येचा भाग बनेल.
कॉमेडियन तन्मयने सांगितले की 2022 मध्ये त्याने जिमला जायला सुरुवात केली, पण जिममध्ये जाणे, सकस आहार घेणे आणि जीवनशैली बदलणे यामुळे त्याला मजा येत नव्हती.
मग त्याने बाहेर बॅडमिंटन खेळणे सुरू केले, तीन ते चार महिने सतत बॅडमिंटन खेळल्याने वजन कमी होण्यास मदत झाली आणि नंतर वेट लिफ्टिंगही सुरू केले. त्यामुळे वजन कमी करणे सोपे झाले.
2022 मध्ये, तन्मय भट्टचे वजन सुमारे 168 किलो होते, जे त्याने सध्या 113 किलोपर्यंत कमी केले आहे. हे रुटीन फॉलो करून त्याने सुमारे 55 किलो वजन कमी केले आहे.
वजन कमी करण्यासाठी महत्वाचे म्हणजे हेल्दी सवयी अंगीकारण्यास सुरुवात करा.
जर तुम्हाला खरंच वजन कमी करायचे असेल तर नुसता विचार करण्यापेक्षा त्यावर कृती करायला सुरुवात करा. व्यायाम सुरू करा आणि तो नियमितपणे करा.
खूप स्ट्रिक्ट फिटनेस रुटीन फॉलो करण्याएवजी तुम्हाला ज्या गोष्टी करायला आवडतात त्या करायला लागा, यामुळे तुमचा इंटरेस्ट टिकून राहिल आणि तुम्ही फिट देखील राहाल.
ट्रोल करणाऱ्यांना आयेशा टाकियाचं सडेतोड उत्तर