परकी चलनसाठा 1.99 अब्ज डॉलरने वाढत 419.99 अब्ज डॉलरवर

परकी चलनसाठा 1.99 अब्ज डॉलरने वाढत 419.99 अब्ज डॉलरवर

मुंबई : भारताच्या परकी गंगाजळीत या आठवड्यात 1.994 अब्ज डॉलरची सुधारणा झाली आहे. परकी चलनसाठा आता 419.990 अब्ज डॉलर इतका झाला आहे. रिझर्व बँकेने जाहीर केलेल्या आकडेवारीवरून ही माहिती समोर आली आहे.

मागील आठवड्यात परकी चलनसाठा 2.05 अब्ज डॉलरने घसरून 417.99 अब्ज डॉलरवर पोचला होता. मागील काही आठवड्यांमध्ये सातत्याने परकी चलन साठ्यात घसरण होत होती. रिझर्व्ह बॅंक ऑफ इंडिया रुपयाच्या मूल्यात होत असलेल्या घसरणीच्या पार्श्वभूमीवर डॉलरची विक्री करत होती. 
एप्रिल महिन्यात परकी चलनाचा साठा विक्रमी पातळीवर म्हणजे 426.028 अब्ज डॉलरवर पोचला होता. भारताच्या परकी चलनसाठ्याने पहिल्यांदाच 400 अब्ज डॉलरची पातळी ओलांडली होती. परंतू त्यानंतर मात्र त्यात सातत्याने चढ उतार होत आहेत.

परकी गंगाजळीमध्ये महत्वाच्या देशांच्या चलनाच्या साठ्याचा महत्वाचा हिस्सा असतो. यात अमेरिकी डॉलर हा महत्वाचा घटक असतो. अमेरिकेच्या चलना व्यतिरिक्त युरो, पौंड आणि येनचासुद्धा समावेश भारताच्या परकी चलनाच्या साठ्यात असतो. या साठ्यात 1.991 अब्ज डॉलरची भर पडून तो 392.188 अब्ज डॉलरवर पोचला आहे. 

याशिवाय आणखी एक महत्वाचा घटक म्हणजे सोन्याचा साठा. सोन्याच्या साठ्यात कोणताही बदल झालेला नाही. या आठवड्यात सोन्याचा साठा 23.021 अब्ज डॉलरवर स्थिर आहे. आंतरराष्ट्रीय नाणेनिधीसोबत असलेले विशेष रेखांकन हक्कांमध्ये 0.8 मिलियन डॉलर्सची वाढ होत 1.445 अब्ज डॉलरवर पोचले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com