Gold Silver Price : महाशिवरात्रीच्या तोंडावर सोनं स्वस्त, जाणून घ्या तुमच्या शहरातील दर
गेल्या काही दिवसांपासून सोने चांदीच्या दरात लक्षणीय वाढ दिसून आली होती मात्र या आठवड्यापासून सोन्याच्या दरात घसरण दिसून येत आहे. मंगळवारी व्हॅलेंटाईन दिवशीसुद्धा सोने चांदीचे दर घसरले होते तर आजही सोन्याच्या दरात घसरण दिसून येत आहे मात्र चांदीचे दर महागले.
महाशिवरात्रीच्या तोंडावर सोन्याच्या दरातील घसरण सोने खरेदी करणाऱ्यांसाठी सुवर्ण संधी आहे. गुड रिटर्न्स या वेबसाइटनुसार 22 कॅरेट साठी 10 ग्रॅम सोन्याची किंमत 52,400 रुपये तर 24 कॅरेट साठी 57,160 रुपये आहे तर आज 10 ग्रॅम चांदी 704 रूपये आहे. (Gold Silver Price update 15 February 2023)
देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या
चेन्नई - 58,140 रुपये
दिल्ली - 57,310 रुपये
हैदराबाद - 57,240 रुपये
कोलकत्ता - 57,240 रुपये
लखनऊ - 57,310 रुपये
मुंबई - 57,160 रुपये
पूणे - 57,160 रुपये
सोन्याची शुद्धता कशी जाणून घ्यावी-
सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.
बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते
22 आणि 24 कॅरेटमध्ये काय फरक आहे?
24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.
हॉलमार्क (Hallmark)-
सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते
हे ही वाचा
