एलपीजी सिलिंडरच्या सबसिडीबाबत ग्राहकांना महत्त्वाची बातमी
एलपीजी सिलिंडरच्या (LPG Subsidy) सबसिडीबाबत ग्राहकांना महत्त्वाची बातमी. घरगुती गॅसच्या किंमतीत वाढ झाल्याची बातमी आहे. रशिया-युक्रेन युद्धादरम्यान कच्च्या तेलाचे भाव वाढले आहेत. दरम्यान, एलपीजी सिलिंडरची किंमत 1000 पर्यंत पोहोचेल, अशी चर्चा सातत्याने सुरू आहे.
एलपीजी सिलिंडरच्या वाढत्या किंमतीबाबत सरकारचे मत अद्याप समोर आलेले नाही. परंतु सरकारच्या अंतर्गत मूल्यांकनावरून (Internal Assessment) असे दिसून येते की ग्राहक सिलिंडरसाठी एक हजार रुपयांपर्यंत पैसे देण्यास तयार आहेत. सूत्रांच्या माहितीनुसार एलपीजी सिलिंडरबाबत सरकार दोन भूमिका घेऊ शकते. एकतर सरकार सबसिडीशिवाय सिलिंडरचा पुरवठा करेल. आणि दुसरे म्हणजे, काही निवडक ग्राहकांनाही अनुदानाचा (सबसिडी) लाभ द्यायला हवा.
अनुदानाबाबत सरकारची योजना काय?
अनुदान (सबसिडी) देण्याबाबत सरकारकडून अद्याप काहीही स्पष्ट करण्यात आलेले नाही. परंतु आतापर्यंत मिळालेल्या माहितीनुसार दहा लाख रुपये उत्पन्नाचा नियम लागू ठेवण्यात येणार असून उज्ज्वला योजनेच्या लाभार्थ्यांना अनुदानाचा लाभ मिळणार आहे.
अनुदानावर एवढा खर्च करते सरकार
गेल्या अनेक महिन्यांपासून एलपीजीवर सबसिडी येऊ लागली आहे. 2021 या आर्थिक वर्षात सरकारचा अनुदानावरील खर्च 3559 रुपये होता. आर्थिक वर्ष 2020 मध्ये हा खर्च 24,468 कोटी रुपये होता. वास्तविक, जानेवारी 2015 मध्ये सुरू झालेल्या डीबीटी योजनेअंतर्गतच ग्राहकांना विना अनुदानित एलपीजी सिलिंडरची पूर्ण रक्कम भरावी लागते. त्याचबरोबर सबसिडीचे पैसे सरकारकडून ग्राहकांच्या बँक खात्यात परत केले जातात. हा परतावा थेट असल्याने या योजनेला डीबीटीएल DBTL असे नाव देण्यात आले आहे.
किंमत सतत वाढत आहे.
गॅस सिलिंडरचे दर वाढत आहेत. गेल्या वर्षी म्हणजे 2021 साली गॅस सिलेंडरच्या किंमतीत सातत्याने वाढ होत आहे. नवीन वर्षात आतापर्यंत घरगुती गॅसच्या किंमतीबाबत कोणतीही अपडेट देण्यात आलेली नाही.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.