सलग तिसऱ्या दिवशी पेट्रोलच्या किंमतीत वाढ

petrol
petrol

मुंबई : देशातील चार सर्वात मोठ्या शहरांमध्ये सलग तिसऱ्या दिवशी पेट्रोलच्या किंमतीत वाढ झाली आहे. मात्र डिझेलच्या किंमतीत कोणतीही वाढ झालेली नाही.

दिल्ली, कोलकाता आणि मुंबईत पेट्रोलच्या किंमतीत 14 पैशांनी वाढ झाली आहे. तर चेन्नईत पेट्रोलच्या किंमतीत 50 पैशांनी वाढ झाली आहे. पेट्रोलच्या किंमतीत वाढ झाल्यानंतर दिल्लीत पेट्रोल 73.77 रुपये प्रति लिटर, कोलकात्यात 76.47 रुपये प्रति लिटर, मुंबईत 79.44 रुपये प्रति लिटर आणि चेन्नईत 76.68 रुपये प्रति लिटरवर पोचले आहे. एका इंग्रजी संकेतस्थळावर ही आकडेवारी देण्यात आली आहे.

दरम्यान या चारही शहरांमध्ये डिझेलच्या किंमती मात्र स्थिरच आहेत. दिल्लीत डिझेलची किंमत 65.79 रुपये प्रति लिटर, कोलकात्यात 68.20 रुपये प्रति लिटर, मुंबईत 69.01 रुपये प्रति लिटर आणि चेन्नईत 69.54 रुपये प्रति लिटर इतकी आहे.

आंतरराष्ट्रीय बाजारपेठेत कच्च्या तेलाच्या किंमतीत वाढ झाल्यामुळे देशातील इंधनाच्या किंमतीतही वाढ झाली आहे. त्याचबरोबर डॉलरच्या तुलनेत रुपयाचे मूल्य घसरल्याचा आणि जागतिक मागणीतील बदलांचाही परिणाम होत इंधनाच्या किंमतीत वाढ झाली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com