Post Office : 1 एप्रिलपासून या खात्यांवरील रोख व्याज थेट बचत खात्यात येणार

टपाल खात्याने परिपत्रकात म्हटले आहे की, पोस्ट ऑफिस (Post Office) एक एप्रिल २०२२ पासून ज्येष्ठ नागरिक बचत योजना, मासिक उत्पन्न योजना आणि मुदत ठेव खात्यांवर रोखीने व्याज देणे बंद करतील. हे व्याज केवळ पोस्ट ऑफिसच्या बचत खात्यात किंवा खातेदाराच्या बँक खात्यात जमा केले जाईल. जर कोणत्याही कारणास्तव खातेदारांना त्यांचे बचत खाते ज्येष्ठ नागरिक बचत योजना, मासिक उत्पन्न योजना आणि मुदत ठेव खात्यांशी जोडता येत नसेल तर पोस्ट ऑफिस बचत खात्यात केवळ जमा किंवा धनादेशाद्वारे थकीत व्याज दिले जाईल.

काही ज्येष्ठ नागरिक बचत योजना, मासिक उत्पन्न योजना आणि मुदत ठेव खातेधारकांनी त्यांचे मासिक/त्रैमासिक/वार्षिक व्याज जमा करण्यासाठी त्यांचे बचत खाते (पोस्ट ऑफिस बचत खाते किंवा बँक खाते) जोडलेले नाही, असे पोस्ट विभागाने म्हटले आहे. अशा परिस्थितीत त्यांना देय असलेले व्याज बिनव्याजी राहणार आहे. अनेक टर्म खातेधारकांना टीडी खात्यांच्या वार्षिक व्याज देयकांची माहिती नसल्याचेही निदर्शनास आल्याचे परिपत्रकात म्हटले आहे.

पोस्ट ऑफिस बचत बँक कामकाजावर अधिक चांगले नियंत्रण ठेवणे, डिजिटल व्यवहारांना चालना देणे, मनी लॉन्ड्रिंग उपक्रमांना आळा घालणे आणि फसवणूक टाळणे यासाठी प्रतिबंधात्मक उपाय म्हणून सक्षम प्राधिकरणाने नागरिक बचत योजना, मासिक उत्पन्न योजना आणि मुदत ठेव खात्यांच्या व्याज देयकासाठी पोस्ट ऑफिस बचत खाते किंवा बँक खाते अनिवार्यपणे लिंक करण्याचा निर्णय घेतला आहे, असे परिपत्रकात म्हटले आहे.

ज्येष्ठ नागरिक बचत योजना, मासिक उत्पन्न योजना आणि मुदत ठेव खात्यांचे अनड्रॉन इंटरेस्ट यावर व्याज नाही, हे लक्षात घेतले पाहिजे. पण व्याज, बचत खात्यात जमा केल्यास अतिरिक्त व्याज मिळेल. अशा परिस्थितीत लोकांनी आपले बचत खाते (एकतर पोस्ट ऑफिसचे बचत खाते किंवा बँक खाते) व्याज देयकासाठी लिंक करावे, असे आवाहन टपाल खात्याने केले आहे.