'रिलायन्स इंडस्ट्रीज'चा नफा रु.7,704 कोटींवर 

Mukesh Ambani
Mukesh Ambani

मुंबई : रिलायन्स इंडस्ट्रीजने आज (गुरुवार) 30 सप्टेंबरअखेर संपलेल्या दुसऱ्या तिमाहीचे आर्थिक निकाल जाहीर केले आहेत.

कंपनीच्या निव्वळ नफ्यात गेल्या वर्षीच्या तिमाहीच्या तुलनेत 18 टक्के वाढ झाली आहे. कंपनीचा निव्वळ नफा रु.7,704 कोटींवर पोचला आहे. गेल्या वर्षी याच तिमाहीत कंपनीने रु. 6,534 कोटींचा नफा नोंदवला होता. 

मात्र, कंपनीच्या उत्पनात किरकोळ वाढ झाली आहे. दुसऱ्या तिमाहीत उत्पन्न रु. 66,198 कोटींवरून रु. 66,624 कोटींवर पोचले आहे. जून ते सप्टेंबर या तिमाहीत कंपनीचे ग्रॉस रिफाइनिंग मार्जिन म्हणजेच जीआरएम 10.8 डॉलर प्रतिबॅरलवरून वाढून 10.10 डॉलर प्रतिबॅरल झाले आहे.

अखेर मुंबई शेअर बाजारात रिलायन्सचा शेअर 1088.50 रुपयांवर व्यवहार करत 1.60 रुपयांच्या किरकोळ घसरणीसह बंद झाला. सध्याच्या बाजारभावानुसार कंपनीचे बाजारभांडवल रु. 353,012.08 कोटींवर पोचले आहे. दहा रुपये दर्शनी किमतीच्या शेअरने वर्षभरात 888.50 रुपयांची नीचांकी, तर 1128.90 रुपयांची उच्चांकी पातळी गाठली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com