‘गॅलेक्‍सी सी 9 प्रो’ बाजारपेठेत दाखल

पाटणा: सॅमसंग कंपनीने "गॅलेक्‍सी सी 9 प्रो' हा नवा स्मार्टफोन गुरुवारी बाजारपेठेत सादर केला. अत्याधुनिक प्रोसेसरसह अधिक क्षमतेची बॅटरी या स्मार्टफोनमध्ये देण्यात आली आहे.

याविषयी माहिती देताना सॅमसंग इंडियाचे मोबाईल व्यवसाय विभागाचे सरव्यवस्थापक सुमीत वालिया म्हणाले, "गॅलेक्‍सी सी 9 प्रो' या स्मार्टफोनचा डिस्प्ले 6 इंचाचा असून, तो पूर्ण एचडी आहे. यात 6 जीबी रॅम असून, अधिक क्षमतेची बॅटरी व जास्त स्टोरेज आहे. याचा पुढील कॅमेरा 15 मेगापिक्‍सेल आणि मागील कॅमेरा "एफ 1.9' लेन्ससह आहे. यामुळे कमी प्रकाशात अधिक चांगली छायाचित्रे काढणे शक्‍य होणार आहे. या स्मार्टफोनची किंमत 39 हजार 600 रुपये आहे.''