सेन्सेक्स अन् निफ्टीमध्ये घसरण कायम, शेअर बाजारात अस्थिरता

गेल्या आठवड्यापासून शेअर बाजारात घसरण सुरू आहे. आजही सुरवातीच्या सत्रापासून शेअर बाजारातील अस्थिरता शेवटच्या सत्रापर्यंत कायम होती आणि शेवटी शेअर बाजार घसरणीसह बंद झाला. सेन्सेक्स 160 अंकानी घसरुन 52,540 वर बंद झाला तर निफ्टीतही 39 अंकाची घसरण होत 15.690 वर बंद झाला. (share market closing update 15 june 2022)

आजही शेअर बाजार घसरणीसह सुरू झाला. सेन्सेक्स 60 अंकाच्या घसरणीसह 52, 625 वर सुरू झाला तर निफ्टी 30 अंकाच्या घसरणीसह 15,710 वर सुरू झाला. आज दिवसभर बाजारात अस्थिरता दिसून आली.

शेअर बाजारात मंगळवारी सलग तिसऱ्या दिवशी घसरणीवर बंद झाला होता. सेन्सेक्स 153 आणि निफ्टी 42 अंकांनी घसरून बंद झाला होता. मिडकॅप, स्मॉलकॅप शेअर्समध्ये मोठी घसरण दिसून आली होती.

युएस फेडचा (US FED) निर्णय बुधवारी बाजाराची दिशा ठरवण्यात महत्वाची भूमिका बजावेल असे FitchMotilal Oswal चे सिद्धार्थ खेमका म्हणाले होते. जगभरातील वाढती महागाई, चीनमधील नवे निर्बंध आणि कच्च्या तेलाच्या वाढत्या किमती यामुळे बाजारावर सध्या दबाव राहील. देशांतर्गत आघाडीवर, FII ची सतत विक्री आणि रुपयाच्या कमजोरीमुळे बाजारावर नकारात्मक परिणाम होईल असेही ते म्हणाले होते.

शेअर बाजारात पैसे गुंतवून तुम्हालाही चांगला नफा कमवायचा असेल तर योग्य शेअर्स निवडणे गरजेचे आहे. कारण चुकीचे शेअर्स तुम्हाला मोठा फटका देऊ शकतात. अशावेळी शेअर बाजारातील एक्स्पर्ट्सचा सल्ला तुमच्या कामी येऊ शकतो