चला, बनूया सिटिझन जर्नालिस्ट...

बोपदेव घाटात सूचना फलकांची गरज  
कात्रज-खडी मशिन चौक-बोपदेव घाट ते सासवड मार्गावर नव्याने पीएमपी बस सुरू केली आहे. मात्र या मार्गावर सूचना फलक व दिशादर्शक फलक लावले नसल्याने प्रवासी व वाहनचालकांचा गोंधळ उडत आहे. तसेच बोपदव घाटातील धोकादायक वळणावर सूचना फलक लावावेत. जेणेकरून अपघातांचे प्रमाण कमी होईल. 
- एक नागरिक

सिग्नल सुरू करावेत
पुणे मेट्रोच्या कामाला गती मिळाली असली तरी कोथरूडमधील वनाज कॉर्नर येथे सिग्नलची अपुरी व्यवस्था अनेकांना समस्या निर्माण करत आहे. या चौकातील सिग्नल बंद असल्यामुळे वाहतूक कोंडी मोठ्या प्रमाणात होते. स्थानिक नगरसेवक आणि महापालिका यांनी सिग्नल सुरू करण्यासाठी तातडीने सूचना कराव्यात. जेणेकरून वाहतुकीच्या समस्यांना नागरिकांना तोंड द्यावे लागणार नाही.
- समर्थ कुंभोजकर

लोकलची संख्या वाढवावी
पुणे-लोणावळा या रेल्वे मार्गावर प्रवास करणाऱ्या नागरिकांची संख्या सतत वाढत आहे. या मार्गावर लोकल रेल्वे गाड्या कमी पडत असल्याने प्रवाशांचा खेळंबा होत आहे. यामुळे रेल्वे प्रशासनाने सकाळच्या सुमारास नवीन गाड्या सुरू केल्यास विद्यार्थी, व्यवसायिकांची सोय होईल.
- हेमंत भालेराव

बातमी पाठविताना नाव व ठिकाणाचा अवश्‍य उल्लेख करा
www.esakal.com
webeditor@esakal.com
SakalNews
@esakalupdate
Whatsapp: 9130088459