शिरुर- पाण्याअभावी शेतीपिके जळण्याच्या मार्गावर

शिरुरः निमोणे परिसरातील जमिनीतील पाण्याचे स्त्रोत आटल्याने शेती पिके जळून जाण्याच्या मार्गावर असल्याचे चित्र सध्या दिसत आहे. येथील विहिरींतील पाण्याने तळ गाठला आहे तर, काही ठिकाणी विहिरींचे पाण्याचे स्त्रोत पूर्णपणे आटले आहेत. घोड नदीकाठच्या गावांच्या विहिरींच्या पाण्याची पातळी खालावली आहे. त्यामुळे ऊस टोमॅटो, भुईमूग ही नगदी पिके व जनावरांचा चारा मका, गवत जळण्याच्या मार्गावर आहेत. मान्सूनचा पाऊस वेळेवर आला तर ही पिके थोड्याफार प्रमाणात जगू शकतात, असे शेतकऱ्यांचे म्हणणे असल्याने आता सर्वांचेच लक्ष पावसाकडे लागले आहे.