दिलासादायक! महाराष्ट्रातील कोरोनाची रुग्णवाढ घटली; संपूर्ण परिस्थितीची माहिती एका क्लिकवर...

आतापर्यंत देशात कोरोनाचा सर्वात जास्त फटका  महाराष्ट्राला बसला आहे. देशात महाराष्ट्रात सर्वाधिक कोरोनाचे सक्रिय रुग्ण आहेत. मागील आठवड्यातील महाराष्ट्रातील कोरोनाची स्थिती पाहिली असता, दिवसाला 10 हजारांच्यावर रुगण वाढत होते. सकारात्मक बाब म्हणजे मागील 24 तासांत महाराष्ट्रात कोरोनाचे 8,493 नवीन रुग्ण आढळले आहेत. यापुर्वीच्या 13 दिवसांचा विचार केला असता, ही एका दिवसातील सर्वात कमी वाढ आहे. 

Corona Updates: देशातील सहा राज्यांमध्ये कोरोनाचा कहर; महाराष्ट्रातील आकडे दिलासादायक!

दुसरी सकारात्मक बाब म्हणजे मागील 24 तासांत मृत्यू दरातही घट झाली असून 228 रुग्ण दगावल्याची नोंद झाली आहे. मागील 21 दिवसातील हा सर्वात कमी आकडा आहे. तसेच एका दिवसात 11,391 रुग्णांना घरी सोडण्यात आले असून  डिस्चार्ज मिळालेल्या रुग्णांची संख्याही 4,28,514 वर पोहोचली आहे. आतापर्यंत महाराष्ट्रात 6,04,358 लोकांना कोरोनाची लागण झाल्याची पुष्टी झाली होती. सध्या राज्यात कोरोनाचे 1,55,268 (25.6) ॲक्टिव्ह रुग्ण असून त्यांच्यावर सध्या उपचार सुरु आहे. 

आरोग्य विभागाच्या 17 हजार जागा भरणार ; ओरोग्य मंत्री राजेश टोपे यांची घोषणा

ICMR च्या माहितीनुसार देशात आतापर्यंत 3 कोटींच्या वर चाचण्या घेण्यात आल्या आहेत. मागील 24 तासांत 8.97 लाख कोरोना चाचण्या पार पडल्या आहेत. तसेच जगाचा विचार केला तर कोरोना रुग्णांच्या आकडेवारीत भारत तिसऱ्या स्थानी आहे. जगभरातील झालेल्या मृतांपैकी भारतात आतापर्यंत 16.65 % मृत्यु झाले आहेत. भारतात सरासरी रोज 900 लोकांचा मृत्यू होत आहे.