आजचे पंचांग आणि दिनविशेष - 21 मे 2023

पंचांग -

रविवार : ज्येष्ठ शुद्ध २, चंद्रनक्षत्र रोहिणी, चंद्रराशी वृषभ/मिथुन, चंद्रोदय सकाळी ७.०२, चंद्रास्त रात्री ८.४९, सूर्योदय ६, सूर्यास्त ७.०२, धनिष्ठा नवक समाप्ती स. ९.०५, मु. जिल्काद मासारंभ, भारतीय सौर वैशाख ३१ शके १९४५.

दिनविशेष -

• १९९४ - ४३व्या जागतिक सौंदर्य स्पर्धेत ‘मिस इंडिया’ सुश्‍मिता सेनने ‘मिस युनिव्हर्स’ हा किताब पटकावला. हा किताब पटकावणारी ही पहिलीच भारतीय आहे.

• २००० - ताऱ्यांच्या निर्मितीपासून विश्वाच्या निर्मितीपर्यंतच्या असंख्य कोड्यांचा खगोलशास्त्रीय वेध घेण्यासाठी खोडद येथे उभारण्यात आलेली जगातील सर्वांत मोठी मीटरवेव्ह रेडिओ दुर्बीण (जीएमआरटी) पंतप्रधान अटलबिहारी वाजपेयी यांच्या हस्ते राष्ट्राला अर्पण.

• २००२ - अखिल भारतीय मराठी चित्रपट महामंडळातर्फे देण्यात येणारा मानाचा ‘चित्रभूषण पुरस्कार’ ज्येष्ठ दिग्दर्शक राजदत्त यांना जाहीर.

• २००९ - पुण्याची धाडसी तरुणी कृष्णा पाटीलने १९व्या वर्षी एव्हरेस्ट सर करून सर्वांत कमी वयात एव्हरेस्ट पादाक्रांत करण्याचा विक्रम प्रस्थापित केला.

• २०१३ - महिला गिर्यारोहक अरुणिमा सिन्हाची सर्वोच्च एव्हरेस्ट शिखरावर यशस्वी चढाई. एव्हरेस्ट सर करणारी ती पहिली दिव्यांग महिला.