राम मंदिराचं भूमीपूजन झालं पण बांधकामासाठी प्रतिक्षाच

अयोध्या - अयोध्येत इतिहास घडत असताना अलौकिक क्षणाचा साक्षीदार बनलेले हे प्राचीन शहर सध्या उत्सवाच्या रंगात रंगले आहे. गेल्या तीन दिवसांपासून राममंदिराच्या भूमिपूजनानिमित्त शहरभर दिवाळीसारखे असलेले वातावरण कार्यक्रम संपला तरी कायम होते.  

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भूमिपूजन कार्यक्रमासाठी हनुमान गढीपासून ते मंदिरस्थळापर्यंतचा रस्ता झेंडूच्या फुलांनी दुतर्फा सजविण्यात आला होता. सुरक्षेसाठी लावलेल्या बॅरिकेडनाही फुलांच्या माळांनी सजविण्यात आले होते. या मार्गावरील दुकानेही पिवळ्या रंगात रंगविण्यात आली होती. हनुमान गढीलाही रंगरंगोटी करून सजविण्यात आले होते. गेल्या तीन दिवसांपासून अयोध्या रंगांमध्ये न्हाऊन गेली आहे. शहरभर सर्वत्र लाइटच्या माळांचा झगमगाट, शरयू नदीच्या घाटावर पणत्या, लोकांमध्ये सळसळता उत्साह यामुळे अयोध्यानगरीचे रुपच पालटून गेले आहे.

राम मंदिर निर्माणासाठी किती खर्च येईल?

‘राम की पौडी’ येथे प्रशासनाने लावलेल्या सव्वा लाख दिव्यांमुळे सर्वत्र दिवाळीचाच भास होत होता. गेल्या वर्षीही येथे दिवाळीच्या आदल्या दिवशी झालेल्या दीपोत्सवात साडे चार लाख पणत्या लावल्या होत्या आणि तो विश्‍वविक्रम झाला होता. गेल्या काही दिवसांपासून शरयू तीरावरील ‘राम की पौडी’ लेझर लाइटच्या प्रकाशात झगमगत असून अयोध्यावासियांसाठी हा वेगळाच अनुभव आहे. 

पंतप्रधान मोदींनी 29 वर्षांपूर्वी घेतली होती शपथ; अयोध्येत येताच झाली पूर्ण

बांधकामासाठी प्रतीक्षाच
अयोध्येतील राम मंदिराच्या भूमिपूजन झाले असून मंदिराच्या बांधकामास उद्यापासून सुरूवात होणार असे रामभक्तांना वाटत असले तरी प्रत्यक्ष बांधकामासाठी प्रतीक्षा करावी लागणार आहे. कारण राम मंदिर आराखड्याचा नकाशा अद्याप मंजूर झालेला नसल्याचे ट्रस्टवरील पदाधिकाऱ्यांचे म्हणणे आहे. 

बांधकामास विलंब

• नकाशाला मंजुरी मिळालेली नाही.
• मंजुरीसाठी दीड ते दोन कोटी रुपये खर्च अपेक्षित.
• वास्तुविशारद निखिल सोमपुरा म्हणाले की, एल अँड टी कंपनीने मातीचे परीक्षण केले आहे. त्याचा अहवाल आल्यावर काम कधी सुरू करायचे हे ठरविले जाईल.

कारागीर आणि मजूर

• बांधकामासाठी किती मजूर लागतील हे अद्याप निश्‍चित केलेले नाही.
• मोठी यंत्रे अयोध्येत पोचली. 
• जास्तीत जास्त काम यंत्रांनी होणार असल्याने मोठ्या प्रमाणात मजुरांची गरज भासणार नाही.

Edited By - Prashant Patil