कांद्याचे दर येणार आटोक्यात; केंद्र सरकारचा मोठा निर्णय

Big decision of the central government Onion prices will come under control
Big decision of the central government Onion prices will come under control

नवी दिल्ली : देशात दिवसेंदिवस वाढत चाललेल्या कांद्यांच्या भावामुळे ग्राहक व्यवहार मंत्रालयाने तुर्कस्तान आणि इजिप्तमधून कांद्याची आयात करण्याचा निर्णय घेतला आहे. भारतीय धातू व खनिज व्यापार महामंडळाने तुर्कस्तानवरून 11 हजार मेट्रिक टन तर इजिप्तवरून 6 हजार 90 मेट्रिक टन कांदा मागवला असल्याचे अधिकाऱ्यांनी सांगितले. महामंडळाने मागवलेला कांदा तुर्कस्तानातून डिसेंबरच्या अखेरीस भारतात पोहोचेल. तर, इजिप्तारून मागवलेला कांदा हा डिसेंबर महिन्याच्या मध्यात पोहोचण्याची अपेक्षा असल्याचे अधिकाऱ्यांनी सांगितले. 

दरम्यान, गुरुवारी दिल्ली सरकारचे अन्न व नागरी पुरवठा मंत्री इम्रान हुसेन यांनी केंद्रीय मंत्री रामविलास पासवान यांना पत्र लिहून विनंती केली होती की नॅशनल एग्रीकल्चरल कोऑपरेटिव मार्केटिंग फेडरेशन ऑफ इंडियाला (नाफेड) जनहित लक्षात घेता दिल्लीतील जनतेला 15 रुपये 60 पैसे प्रति किलो दराने कांद्याचा पुरवठा सुरू ठेवण्यात यावा. दिल्ली सह उत्तर प्रदेशमधील काही भागांमध्ये कांद्याच्या दराने शंभरी गाठल्याने किरकोळ बाजारात कांद्याचा दर कमी व्हावा यासाठी केंद्रीय मंत्रिमंडळाने 1 नोव्हेंबरला . 1.2 लाख मेट्रिक टन कांद्याच्या आयात करण्यास मान्यता दिली होती. त्यानंतर इजिप्त आणि तुर्कस्तानातून कांदा मागवला असल्याचे अधिकाऱ्यांनी या वेळी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com