बिहार: हॉटेलमध्ये सापडल्या ईव्हीएम मशीन आणि व्हीव्हीपॅट
पाटणा : बिहारमधील मुजफ्फरपूर लोकसभा मतदारसंघात सोमवारी मतदानावेळी एका हॉटेलमध्ये ई्व्हीएम आणि व्हीव्हीपॅट सापडल्याने खळबळ उडाली आहे. या प्रकरणी अधिकाऱ्यांनी कारवाईचे आदेश दिले आहेत.
लोकसभा निवडणुकीच्या पाचव्या टप्प्यात सोमवारी मतदान पार पडले. यावेळी बिहारमधल्या मुजफ्फरपूर लोकसभा मतदारसंघात मतदान सुरू असताना एका हॉटेलमध्ये चार ईव्हीएम सापडल्याने एकच खळबळ उडाली. विरोधी पक्षांकडून या प्रकरणी गोंधळ घालण्यात आला. सेक्टर मॅजिस्ट्रेट अवधेश कुमार हॉटेलमध्ये सापडलेल्या ईव्हीएमचे संरक्षक होते. माझ्याकडे 4 ईव्हीएम मशीन होत्या. एखाद्या मतदान केंद्रावरील ईव्हीएममध्ये बिघाड झाल्यास या अतिरिक्त ईव्हीएमचा वापर केला जाणार होता, असं स्पष्टीकरण कुमार यांनी दिले आहे.
हॉटेलमध्ये ईव्हीएम सापडल्यानंतर एसडीओ कुंदन कुमार घटनास्थळी पोहोचले आणि त्यांनी चारही ईव्हीएम ताब्यात घेतल्या. मुजफ्फरपूरचे जिल्हाधिकारी आलोक रंजन घोष यांनी या घटनेच्या चौकशीचे आदेश दिले. याशिवाय अवधेश कुमार यांना बेजबाबदारपणाबद्दल कारणे दाखवा नोटीस बजावली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.