काँग्रेस अध्यक्षा सोनिया गांधी यांचा वाढदिवस साधेपणाने साजरा

sonia gandhi
sonia gandhi

नवी दिल्ली - काँग्रेस अध्यक्षा सोनिया गांधी यांचा वाढदिवस आज साधेपणाने साजरा झाला. कोरोना संकटाच्या पार्श्वभूमीवर पक्षातील वरिष्ठ नेत्यांनी प्रत्यक्ष भेटीऐवजी सोशल मीडियावर शुभेच्छा देत अभीष्टचिंतन केले. तर पंतप्रधान नरेंद्र मोदींनीही सोनिया गांधींना शुभेच्छा दिल्या. 

जगभरातील इतर बातम्या वाचण्यासाठी येथे क्लिक करा

प्रकृती अस्वास्थ्यामुळे विश्रांतीसाठी गोव्यात गेलेल्या सोनिया गांधी वाढदिवसाआधी दिल्लीत परतल्या असल्या तरी, शेतकरी आंदोलनाला पाठिंबा देत साधेपणाने वाढदिवस साजरा करण्याचे आवाहन काँग्रेसने केले होते. संघटना सरचिटणीस के. सी. वेणुगोपाल यांनी याबाबतच्या सूचना पक्षाचे पदाधिकारी आणि राज्य शाखांना दिल्या होत्या. त्यापार्श्वभूमीवर कोणत्याही कार्यक्रमांविनाच सोनिया गांधींचा वाढदिवस आज झाला. तर, कोरोनाच्या उपद्रवाच्या पार्श्वभूमीवर शुभेच्छुकांना भेटण्याचेही सोनियांनी टाळल्यामुळे ‘१० जनपथ’ या त्यांच्या निवासस्थानी आज शांतता होती. 

पंतप्रधान नरेंद्र मोदींनीही ट्विटद्वारे सोनिया गांधींना वाढदिवसाच्या शुभेच्छा देत निरोगी आणि दीर्घायुष्यासाठी अभीष्टचिंतन केले. काँग्रेसशासीत राज्यांचे मुख्यमंत्री कॅप्टन अमरिंदरसिंग, अशोक गेहलोत, व्ही. नारायण स्वामी, भूपेश बघेल यांच्यासह, कार्यकारिणी सदस्य, सरचिटणीस, पदाधिकारी, वरिष्ठ नेते तसेच कार्यकर्त्यांनी ‘ट्विट’ करून सोनिया गांधींना शुभेच्छा दिल्या. 

देशभरातील इतर बातम्या वाचण्यासाठी येथे क्लिक करा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com