MLA-Ramesh-Telangana
MLA-Ramesh-Telangana

'या' आमदाराचे नागरिकत्व झाले रद्द!

नवी दिल्ली : तेलंगणा राष्ट्र समितीचे (टीआरएस) आमदार चेन्नामनेई रमेश यांचे भारतीय नागरिकत्व केंद्रीय गृह मंत्रालयाने रद्द केले आहे. या संबंधीचा नवा आदेश गुरुवारी (ता.21) काढण्यात आला. 

रमेश यांनी 1993 मध्ये जर्मनीचे नागरिकत्व घेतले होते, पण 2009 मध्ये त्यांनी पुन्हा भारतीय नागरिकत्व घेतले. मात्र, त्या वेळी त्यांनी नियमांचे पालन केले नसल्याचे सांगत गृह मंत्रालयाने नागरिकत्व रद्द केले होते.

त्या विरोधात रमेश हे 2017 मध्ये तेलंगणा उच्च न्यायालयात गेले होते. त्यांची सुनावणी नव्याने घेण्याचा आदेश न्यायालयाने दिला होता. त्यानंतर गृह मंत्रालयाने त्यांचे नागरिकत्व रद्द केल्याचा आदेश गुरुवारी पुन्हा काढला.

विधानसभा निवडणुकीत 2009 मध्ये ते तेलुगू देशम पक्षाकडून (टीडीपी) निवडून आले होते. सध्या रमेश 'टीआरएस'चे आमदार आहेत. गृह मंत्रालयाच्या या आदेशाला तेलंगण उच्च न्यायालयात पुन्हा आव्हान देणार असल्याचे रमेश यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com