विराट कोहलीच्या चाहत्या चारुलता पटेल यांचे निधन

वृत्तसंस्था
गुरुवार, 16 जानेवारी 2020

सर्वांचे लक्ष घेतले होते वेधून

- 20 वर्षांपासून पाहत होत्या क्रिकेट

मुंबई : आयसीसी वर्ल्डकप 2019 मध्ये पिपाणी वाजवून टीम इंडियाला पाठिंबा देत सर्वांचे लक्ष वेधून घेणाऱ्या टीम इंडियाच्या सुपरफॅन चारूलता पटेल यांचे निधन झाले. चारूलता पटेल या 87 वर्षीय होत्या. 

ताज्या बातम्यांसाठी डाऊनलोड करा ई-सकाळचे ऍप

इंग्लंडमध्ये झालेल्या वर्ल्डकप 2019 मध्ये भारताविरुद्ध बांगलादेशच्या सामन्यात 87 वर्षीय चारुलता पटेल यांनी मैदानात हजेरी लावली होती. त्यावेळी त्यांनी टीम इंडियाला पाठिंबा दिला होता. त्यानंतर टीम इंडियाचा कर्णधार विराट कोहलीने स्वत: सुपरफॅन चारूलता यांची भेट घेतली होती. 

Image result for Charulata Patel

सर्वांचे लक्ष घेतले होते वेधून

जुलै 2019 च्या वर्ल्डकपमध्ये बांगलादेशविरुद्ध झालेल्या सामन्यात चारुलता पटेल यांनी भारताला पाठिंबा देत तिरंगा स्कार्फसह पिपाणी वाजवली होती. त्यामुळे त्यांनी सर्व उपस्थितांचे लक्ष वेधून घेतले होते. 

टान्झानियात जन्म

चारुलता पटेल यांचा जन्म टान्झानिया देशात झाला असून, त्यांचे आईवडील भारतीय होते. त्यांना लहानपणापासूनच क्रिकेटची आवड होती. तसेच त्यांना क्रिकेट खेळायला आवडत होते.

Charulata Patel DNA India

20 वर्षांपासून पाहत होत्या क्रिकेट

गेल्या 20 वर्षांपासून चारूलता पटेल या क्रिकेट पाहत होत्या. क्रिकेटला मी माझ्या मुलांप्रमाणेच मानते, असे चारुलता पटेल यांनी माध्यमांशी बोलताना सांगितले होते.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Charulata Patel Passes Away