राहुल गांधींचे सदस्यत्व रद्द झाल्यानंतर विरोधी पक्षातून उमटलेल्या प्रतिक्रिया वाचा Rahul Gandhi Latest News

शुक्रवारी (२४ मार्च) लोकसभा सचिवालयाने काँग्रेसचे माजी अध्यक्ष राहुल गांधी यांचे सदस्यत्व रद्द करणारी अधिसूचना जारी केली. यानंतर देशातील अनेक विरोधी पक्षातील नेत्यांच्या प्रतिक्रिया आल्या आहेत. तसेच एक प्रकारे विरोधी नेत्यांनी राहुल गांधीना समर्थन दिले आहेत.

पश्चिम बंगालच्या मुख्यमंत्री आणि तृणमूल काँग्रेसच्या नेत्या ममता बॅनर्जी यांनी पंतप्रधान नरेंद्र मोदी आणि भाजपवर निशाणा साधताना राहुल गांधींना पाठिंबा दिला. त्या म्हणाल्या की, "पंतप्रधान मोदींच्या नव्या भारतात भाजपकडून विरोधी नेत्यांना टार्गेट केले जात आहे.

तर गुन्हेगारी पार्श्वभूमी असलेल्या भाजपच्या नेत्यांना मंत्रिमंडळात समाविष्ट केले जात आहे, विरोधी नेत्यांना त्यांच्या भाषणासाठी अपात्र ठरवले जाते. आज आपण आपल्या घटनात्मक लोकशाहीचा नवा नीचांक पाहिला आहे.

महाराष्ट्राचे माजी मुख्यमंत्री आणि शिवसेनेचे नेते उद्धव ठाकरे यांनीही केंद्र सरकारवर निशाणा साधला असून त्याविरोधातील लढ्याला दिशा देण्याचे सांगितले आहे. उद्धव म्हणाले, "राहुल गांधी यांचे सदस्यत्व रद्द करण्यात आले आहे.

चोराला चोर म्हणणे हा आपल्या देशात गुन्हा झाला आहे. चोर, दरोडेखोर अजूनही मोकळे आहेत आणि राहुल गांधींना शिक्षा झाली आहे. ही थेट लोकशाहीची हत्या आहे. संपूर्ण सरकारी यंत्रणा दबावाखाली आहे. हुकूमशाहीच्या अंताची ही सुरुवात आहे. फक्त लढ्याला दिशा द्यावी लागते.

समाजवादी पक्षाचे अध्यक्ष आणि उत्तर प्रदेशचे माजी मुख्यमंत्री अखिलेश यादव म्हणाले की, भाजपने सपाच्या अनेक नेत्यांचे सदस्यत्व घेतले आहे, आता काँग्रेस नेते राहुल गांधी यांचे सदस्यत्व गेले आहे. महागाई, बेरोजगारी या खर्‍या मुद्द्यांवरून लक्ष विचलित करण्यासाठी आणि मित्र उद्योगपतीवरील वादविवाद यावरून जाणीवपूर्वक हे सर्व केले जात आहे.

दिल्लीचे मुख्यमंत्री आणि आम आदमी पक्षाचे राष्ट्रीय अध्यक्ष अरविंद केजरीवाल म्हणाले, “क्या हाल बना दिया देश का. या लोकांनी राहुल गांधींचे सदस्यत्व रद्द केले आहे. तुम्ही लोक घाबरत आहात भारताच्या इतिहासातील सर्वात भ्रष्ट पंतप्रधान, कोणी घडला असेल तर... ज्याने बारावी शिकलेली आहे. जर कोणी सर्वात कमी शिक्षित पंतप्रधान झाले असेल तर ते नरेंद्र मोदी आहेत.

शरद पवार यांनी ट्वीट करत प्रतिक्रिया व्यक्त केली आहे. शरद पवार म्हणालेत की, "आपली राज्यघटना प्रत्येक व्यक्तीच्या न्याय्य न्यायाच्या अधिकाराची हमी देते; विचार स्वातंत्र्य; दर्जा आणि संधीची समानता आणि प्रत्येक भारतीयाच्या सन्मानाची खात्री देणारा बंधुभाव."

"राहुल गांधी आणि काही महिन्यांपूर्वी फैजल यांना लोकसभेचे खासदार म्हणून अपात्र ठरवणे हे संविधानाच्या मूलभूत तत्त्वांच्या विरोधात आहे, येथे लोकशाही मूल्यांना छेद दिला जात आहे. हे निषेधार्ह आणि संविधान ज्या तत्त्वांवर आधारित आहे त्या तत्त्वांच्या विरोधात आहे. आपल्या लोकशाही संस्थांचे रक्षण करण्यासाठी आपण सर्वांनी एकत्र उभे राहण्याची गरज आहे." असेही शरद पवार आहेत.