पणजी : मुख्यमंत्री मनोहर पर्रीकर यांना एन्डोस्कोपी करण्यासाठी आज (शनिवार) सायंकाळी उशिरा गोवा वैद्यकीय महाविद्यालय इस्पितळात हलविण्यात आले आहे. पुढील ४८ तास ते सतत वैद्यकीय निरीक्षणाखाली असतील, अशी माहिती मुख्यमंत्री कार्यालयातून देण्यात आली आहे.
गेले दोन दिवस मुख्यमंत्र्यांची प्रकृती खालावली असल्याची चर्चा होती. त्यांच्या फुफ्फुसांत पाणी झाले व नंतर ते बाहेर काढण्यात आल्याची माहिती प्रसारित झाली होती. याबाबत अधिकृतपणे कोणतीही माहिती देण्यात आली नव्हती. त्यानंतर त्यांनी बैठक घेतल्याचे सांगण्यात आले होते.
आज त्यांना माजी मंत्री रमेश तवडकर व त्याआधी नगरनियोजनमंत्री विजय सरदेसाई भेटले होते. त्यानंतर त्यांच्या प्रकृतीविषयी अधिक माहिती मिळवण्यासाठी एन्डोस्कोपी करण्याचा निर्णय डॉक्टरांनी घेतला व त्यांना गोवा वैद्यकीय महाविद्यालय इस्पितळात हलविण्यात आले आहे.
मुख्यमंत्री गेल्या वर्षीच्या फेब्रुवारीपासून आजारी आहेत. स्वादुपिंडाच्या आजारावर मुंबई, न्यूयॉर्क, दिल्लीत त्यांनी उपचार घेतले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.