पणजी मतदारसंघाच्या पोटनिवडणुकीसाठी पर्रीकरांचा अर्ज दाखल

Manohar Parrikar
Manohar Parrikar

पणजी : पणजी विधानसभा मतदारसंघाच्या 23 ऑगस्टला होत असलेल्या पोटनिवडणुकीसाठी भाजपचे मुख्यमंत्री मनोहर पर्रीकर यांनी आज (बुधवार) सकाळी मोठे शक्तिप्रदर्शन करीत निवडणूक अधिकारी पुंडलिक खोर्जुवेकर यांच्याकडे अर्ज सादर केला. 

या मतदारसंघासाठी काँग्रेस पक्षाला अजूनही उमेदवार सापडत नसल्याने पक्षासमोर पेच निर्माण झाला आहे. यामुळे काँग्रेसचे राष्ट्रीय सचिव गिरीश चोडणकर यांना मुख्यमंत्री पर्रीकर यांच्या विरोधात रिंगणात उतरवण्यावर पक्षाचे नेते विचार करीत आहेत. यापूर्वी काँग्रेसने माजी आमदार आतानासियो (बाबूश) मोन्सेरात यांना उमेदवारी देण्याचे ठरवले होते. मात्र, त्यांनी गोवा फॉरवर्ड पक्षात प्रवेश करून कॉंग्रेसला धक्का दिला.

गोवा फॉरवर्डने पर्रीकर यांना पाठिंबा दर्शवला आहे. मगो पक्षानेही पर्रीकरांना समर्थन दिले आहे. पणजीचे माजी महापौर अशोक नाईक यांनाही काँग्रेसने उमेदवारी देऊ केली होती. मात्र त्यांनीही नकार दिला आहे. प्रसिध्द वकील सुरेंद्र देसाई यांनाही काँग्रेसच्या काही नेत्यांनी निवडणूक लढवण्यासाठी विनंती केली होती. परंतु त्यांनीही आपण इच्छुक नसल्याचे कळविले आहे. सध्या विरोधी पक्षांकडे पर्रीकर यांच्या विरोधात उमेदवार नसल्याने सर्व विरोधकांनी मिळून एकच उमेदवार देण्यासाठी हालचाली सुरू आहेत. 

ई सकाळवरील ताज्या बातम्यांसाठी क्लिक करा :

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com